Астананың қоғамдық кеңесі кәсіптік белсенділер алдында есеп берді

Астана қаласының қоғамдық кеңесінің мүшесі Мейрамбай Оралов Астана кәсіптік орталығының Үйлестіру кеңесінің жұмысына қатысып, 2016 жылғы Қоғамдық кеңестің жұмысы туралы есеп берді.

Есепті кезең ішінде, Қоғамдық кеңестің 20 отырысы өткізілген, мұнда 130 астам сұраныс қарастырылған. Қоғамдық кеңесте Астана қаласы әкімінің есебі, Астана қаласы қаржы басқармасының бюджеттің орындалуы туралы есебі, мәслихаттың Астана қаласының 2016-2018 жылдардағы бюджетіне өзгертулер мен толықтырулар енгізу туралы шешімі жобалары тыңдалған және мақұлданған, алдағы 3 жылдық кезеңдегі бюджет жобасы талқыға салынған.

«Қоғамдық көлік жұмысын жақсарту бойынша атқарушы орган жұмыстары, парк инфрақұрылымы нысандарын және жол-көлік желісін дамыту туралы»  мәселе бойынша қоғамдық тыңдаулар өтті. Тыңдау шеңберінде жаңа қалалық, экспресс, қала маңы, мектептер автобустары мен таксилер көрмесі ұйымдастырылды.       

Өткен кезеңде азаматтар мен заңды тұлғалардың 17 өтініштері қарастырылған. Қоғамдық кеңес халыққа өз қызметі туралы тұрақты ақпарат беру шараларын жүзеге асыру үстінде. Қоғамдық кеңес  жүргізіп отырған барлық шараларға бұқаралық ақпарат құралдары және үкіметтік емес ұйымдар өкілдері қатысады.

Қоғамдық кеңес есебін талқылауға білім беру қызметкерлерінің «Әділет» кәсіподағының төрағасы Балсулу Наурузбаева, денсаулық сақтау қызметкерлерінің кәсіподағының қалалық филиалының төрағасы Бакытжан Тажибай, №1 автобус паркінің кәсіподақ комитетінің төрағасы Сергей Богатырев және басқа да кәсіподақ қызметкерлері қатысты.

Кәсіподақ белсенділері Астананың Қоғамдық кеңесі халыққа тұрғын үй-коммуналдық қызметтер көрсетуге, қаладағы жолаушы көлігінің жұмысын жетілдіруге, халықтың өзекті мәселелерінің сапалы шешімін табуға, кәсіптік және қоғамдық ұйымдармен өзара әрекеттестікте болуға баса назар аударуына өтініш білдірді.

Астана қаласының кәсіподақ орталығы