Астаналық мәслихат депутаттары Президент жолдауын талқылауға қатысты
04.02.2017
Президенттің «Қазақстанның үшінші жаңғыруы: жаһандық бәсекеге қабілеттілік» жолдауының міндеттерін жүзеге асыруға арналған кеңейтілген отырыста Астана қаласының әкімі Әсет Исекешев өзінің жолдауында елбасы Нұрсұлтан Әбішұлы Назарбаев бес негізгі басымдықты анықтағанын және олар экономикалық дамудың жаңа үлгісін қалыптастырып, елдің дүние жүзіндегі 30 алдыңғы қатарлы мемлекеттің қатарына қосылуын қамтамасыз ететінін айтып кеткен. Мемлекет басшысы индустрияның жаңа цифрлық технологияларды қолдану арқылы қалыптасатын салаларын меңгеруге шақырды. Бірінші басымдық шеңберінде Жолдауда еңбек өнімділігін арттыру қажеттілігіне назар аударылған, ол экономиканың бәсекеге қабілеттілігінің негізгі факторларының бірі болып табылады. Бизнес ортасын түбегейлі кеңейту және жақсарту – Мемлекет басшысы атап өткен екінші басымдық. Үшінші басымдық – макроэкономикалық тұрақтылық. Мемлекет басшысы бюджет шығындарының тиімділігін арттыруға тапсырма берді. Адами капитал сапасын жақсарту – Мемлекет басшысы белгілеген міндеттердің бірі. Бесінші басымдық шеңберінде – институционалдық түрлендіру, қауіпсіздік және жемқорлықпен күрес.
Президент жолдауын талқылауға мәслихат депутаттары Ақылбек Күрішбаев, Мирас Шекенов қатысып, жолдаудың нақты мақсаттарды айқындар қана қоймай, күшті ауызбіршілік күшіне ие екенін айтып кетті, ол барлық қазақстандықтарды "100 нақты қадам» ұлты жоспары базасында «Қазақстан -2050» стратегиясын жүзеге асыруға жұмылдырады.
Депутаттардың пікірінше, Жолдаумен танысу және оны жүзеге асыру – барлығының, әсіресе, депутаттық корпустың міндеттері екенін айтып кетті. Біз сайлаушыларға Президент белгілеген міндеттердің мәнін түсіндіріп, Елбасының жолдауының негізгі ережелерін түсіндіру мақсатында округтарда кездесу өткізуіміз керек деп тұжырымдады халық қалаулылары.
