«Алкон+» фирмасы» ЖШС-де мәслихат депутаттарының қатысуымен ҚР Президентінің «Қазақстанның үшінші жаңғыруы: жаһандық бәсекеге қабілеттілік» Жолдауы талқыланды.

«Алкон+» фирмасы» ЖШС  директоры, депутат А.Б.Аюпов өзінің кіріспе сөзінде Мемлекет Басшысының өз халқымен бірге өткенді қорытындылау және дамудың негізгі бағыттарын пысықтау дәстүрі осы жылдардың ішінде  әбден қалыптасқанын және өз жемісін бергенін атап өтті.  Президент әрбір азамат саяси және экономикалық өзгерулерді түсінуі, қаржылық қозғалыстардың көлемдері мен масштабтарын көре білуі үшін, әрбір адам өз пікірін айтып, түзетулер енгізуі және осы бағамды іске асыруға тікелей қатысуы үшін елдің стратегиялық бағамын өзі қалай көретінін білдіреді. Сондықтан Жолдауды түсіндіру жер-жерлерде жүргізілуде.

- Президент өте нақты айқындап берді, Қазақстан жаңа экономикалық реалияларға үміт артады. Үшнші жаңғыру экономиканың жеделдетілген технологиялық жаңаруына бастау және инновациялық салаға қуатты түрткі береді.

Кездесу барысында Президент Жолдауының 5 негізгі басымдықтары, Қазақстанда күтілетін басты  реформалар  туралы «Алкон+» фирмасы» ЖШС қызметкерлері  Берлібай Ақерке, Вольф Татьяна, Рахмедин Медеу, Макурина Татьяна және Айбатова Татьяна әңгімелеп берді.

Өз кезегінде, М.Д.Еркетаев тұңғыш Президент Н.Назарбаевтың Қазақстанның қарқынды дамушы мемлекет ретінде дамуындағы рөліне  ерекше көңіл аударды. Депутат Г.К.Касенов әлемнің 4-ші технологиялық революциясы кезеңінде сандық Қазақстанның даму маңыздылығын басып көрсетті.

- Біздің еліміздің Президенті Н.Ә.Назарбаев осы Жолдау арқылы әрбір азаматқа жаңа реалияда даму бағыттарын өзі қалай көретінін жеткізуге тырысты. Біз уақыт сынын лайықты қабылдап, елді әрі қарай жаңғырту бойынша міндеттерді шешуіміз қажет, - деп қорытындылады Аман Аюпов. Тыңдаушылар өз сөздерінде Жолдауды мақұлдап, қолдау көрсетті.