Қоғамдық кеңестің кезекті отырысы өтті

Экономика мен бюджетті жоспарлау басқармасының басшысы Ерғали Егемберді Қоғамдық кеңес мүшелеріне Астана қаласының 2017 жылға бюджетін анықтау бойынша маслихат жобасының шешімімен таныстырды.

Ұсынылған Астана қаласының бюджетін анықтау Қазақстан Республикасының Бюджет Кодексінің 106 бабына сәйкес жүргізіледі. Қаламыздың негізгі әлеуметтік- экономикалық көрсеткіштерінің өсуіне байланысты Астана қаласы бюджетінің табыс бөлімін  5 млрд. 059 млн.теңгеге ұлғайту ұсынылады; 500 млн.теңге көлемінде мемлекеттік құнды қағаздарды шығару.

Одан өзге, бюджет қаражатын игеру бойынша мониторинг көрсеткіштерінің нәтижесінде елордамыздың дамуына байланысты бірқатар мәселелерді  шешуге бағытталатын  ішкі қайта бөлу ұсынылады. Бюджетті анықтау барысында қаржыларды тазалық сақтаумен қамтамасыз етуге, елді мекенжайларды көгалдандыру мен абаттандыру, мемлекеттік және жеке меншік балабақшаларда мемлекеттік білім беру тапсырыстарын жайғастыру, жалпы білім беретін оқуға, жолаушыларды тасымалдауды қаражаттандыруға, апаттық және ескірген тұрғын үйлерді бұзу мен инвестициялық жобаларды жүзеге асыруға бөлу ұсынылатынын  басқарма басшысы өз баяндамасында атап өтті.

Қоғамдық кеңес мүшелерін мектепке дейінгі мекемелерге, автомобильдік жолдарды салу мен қайта құруға, газ желісін жүргізуге бөлінетін қаржы көлемі қызықтырды.

Талқылау нәтижесі бойынша  Астана қаласының  2017-2019 жылдарға бөлінетін бюджетіне өзгерістер мен толықтырулар енгізу жөніндегі маслихат шешімі жобасын ұсыныс пен өзгертулерсіз мақылдау туралы шешім қабылданды.

Астана қаласының Жолаушылар көлігі басқармасының басшысы Бекмырза Игенбердинов астанамыздағы ақылы көшелерді пайдалану Ережелерімен қайта таныстырды. Қоғамдық кеңес мүшелері ұсынылған ережелерді толық аяқталмаған және мерзімінен бұрын деп шешіп, нәтижесінде елордамыздың ақылы көшелерімен жүруге ақы алу, жүріп өтуге қаржы сұрау экономикалық негізсіз деген тұжырым жасады. Қоғамдық кеңес мүшелері ережелерді жасауды толық аяқтап, жобаны қала трассаларының бірінде алдымен сынамалы жоба ретінде іске қосып көруге кеңес берді.

Қайта ұсынылған жас көшеттерді күту мен қорғау  Ережелері туралы жоба қызу талқыға түсті. Талқылау барысында Қоғамдық кеңес мүшелерімен есеп-қисапқа қатысты, жасыл көшеттерді инвентаризациялау бойынша, есептік және сандық көрсеткіштерді келесі тізілімге енгізілуін сипаттау, табиғи апатты өтеу, өкілетті органдардың қолданылмаған тіркелген мүлікті игеруін анықтау, Қазақстан Республикасының Экологиялық кодекс Ережелеріне сәйкестігін сақтауды қадағалауға байланысты 11 түзету енгізілді.

         Қоғамдық кеңес отырысына қала басқармаларының басшылары, бұқаралық ақпарат құралдарының өкілдері қатысты.