Елордалық депутаттардың халықаралық жиналыстарға қатысуы туралы

Ресми делегация құрамында Қазақстан Республикасының Президенті Н.Ә.Назарбаевтың Өзбекстан Республикасына мемлекеттік сапары аясында мемлекеттік қызметшілер мен бизнес-құрылымдардың өкілдері болды. Олардың арасында алтыншы шақырылым 20-шы сайлау округінен Астана қаласының мәслихатының депутаты және Қазақстан Республикасы Сауда Қауымдастығының вице-президенті Тәукен Қайырлы Кенесбекұлы болды.

Осы сапар аясында бірқатар келісім-шарттар мен келісімдерге қол қойылды. Атап айтқанда, сауда-экономикалық қатынастарды нығайту және кеңейту мақсатында шағын бизнес және жеке кәсіпкерлерге арналған экспорттық қор (Өзбекстан), «Агрохолдинг Союзплодоовощ» ЖШС және «Нұр» компаниялар тобы (Қазақстан) арасында Өзара түсіністік туралы меморандумға қол қойылды.

Сондай-ақ, Астана қаласында Өзбекстан Республикасының шағын кәсіпкерлік және жеке кәсіпкерлікке арналған экспортты қолдау қорының Өкілдігінің ашылуына қатысты келісімге қол жеткізілді. Бұл Қордың тоғызыншы өкілдігі болады, бүгін Мәскеуде, Германияда, Біріккен Араб Әмірліктерінде және т.б. өкілдіктері бар. Экспортты қолдау қорының Өкілдігін құру біздің астанамызға жеміс-жидек және басқа да азық-түлік өнімдерін делдалдарсыз жеткізуге мүмкіндік береді.

Осыған байланысты Астанада Тауарларды сараптау және сапасын бақылау орталығы құрылады, сондықтан сапалы өнім ғана емес, жаңа жұмыс орындары да пайда болады.