Астанада «Халық Конституциясы – бірлік пен дамудың кепілі» атты конференция өтті
Конференцияда «халықтық» Конституцияны дамыту, қоғамдық диалог пен бірлікті нығайту мәселелері талқыланды.
Талқылауға мемлекеттік органдардың, ғылыми қауымдастық, этномәдени бірлестіктер және Қазақстан халқы Ассамблеясының өкілдері қатысты.
«Халық кеңесі» консультативтік аланың құру бастамасына ерекше назар аударылды. Аталған алаң этномәдени және қоғамдық бірлестіктер, мәслихаттар мен өңірлік кеңестер өкілдерін қамтитын 126 қоғам өкілін біріктіреді. Оның құрамына Қазақстан халқы Ассамблеясының өкілдері де еніп, қоғамдық диалог пен бірлікті нығайтуға ықпал етеді.
Конституцияның тек заңдар жиынтығы емес, ең алдымен адамдар, олардың құқықтары, мүмкіндіктері және ертеңгі күнге деген сенімі екені атап өтілді.
Бүгінде ол қоғам сұраныстарын бейнелейтін шынайы «халықтық» сипатқа ие болып келеді.
