Кезекті сессияға дайындық аясында «Алматы» ауданындағы «Оңтүстік-Шығыс» тұрғын алабында орналасқан бірқатар нысандарды мәслихат депутаттары аралады

Іссапардың негізгі мақсаты – елордадағы тұрғын алаптардың инфрақұрылымын дамыту жоспарларымен жергілікті жерде танысу. Атап айтқанда, сумен жабдықтау, кәріз жүйесі және көлік қатынасының қолжетімділігі мәселелері қарастырылды.

Аралау барысында жол және инженерлік инфрақұрылым нысандары каралды. Мұндай жобалар тұрғындар үшін өте маңызды, өйткені олар өмір сапасына және ауданның одан әрі дамуына тікелей әсер етеді.

Сонымен қатар, аудан аумағында салынып жатқан көпфункционалды кешеннің құрылыс барысымен танысты. Жоспар бойынша бұл кешен тұрғындар үшін маңызды тартымды орталыққа айналады. Мұнда спорт нысандары, түрлі үйірмелер, сондай-ақ балалар мен жастардың демалысы мен дамуына арналған кеңістіктер орналасады.