Астана қаласы мәслихатының депутаттары қаланың әлеуметтік нысандарында көшпелі кеңес өткізді

Жұмыс сапары аясында «Еуразия» спорт кешені қаралды. Екі қабатты нысан Л.Н. Гумилев атындағы Еуразия ұлттық университетінің балансында және апатты деп танылмаған. Мұнда жөндеу жұмыстарын жүргізу 2026 жылға жоспарланған.

Сондай-ақ депутаттар техникалық және кәсіптік білім беру ұйымдарына арналған студенттік жатақхана құрылысы жобасының іске асырылу барысымен танысты. Мемлекеттік тапсырыс беруші — Астана қаласының Құрылыс басқармасы, жеке серіктес — BI Group. Жалпы ауданы 14 439 м² болатын тоғыз қабатты жатақхана студенттердің жайлы әрі қауіпсіз тұруына, білім алуына, демалуына және әлеуметтік бейімделуіне арналған. 938 орынға есептелген нысанды пайдалануға беру 2026 жылдың наурызына жоспарланған.