Маңғыстау облысы мәслихаттарының депутаттар делегациясы және аппарат қызметкерлерімен жұмыс кездесуі
Аталған кездесу біз үшін ерекше маңызға ие, өйткені ол өңірлеріміздің өкілді органдары арасындағы сындарлы әрі өзара сенімге негізделген диалогтың заңды жалғасы болып табылады.
Сондай-ақ мәслихаттарымыз арасында ынтымақтастық туралы меморандум алғашқылардың бірі болып қол қойылғанын атап өттім. Бұл құжат жүйелі өзара іс-қимылға, бірлескен бастамаларды іске асыруға, тәжірибе мен ақпарат алмасуға берік негіз қалады.
Кездесу барысында жергілікті дамудың өзекті мәселелері, өкілді органдардың алдында тұрған міндеттерді шешу жолдары, сондай-ақ өңіраралық ынтымақтастықты одан әрі дамыту бағыттары талқыланды. Мұндай кездесулер серіктестік байланыстарды нығайтып қана қоймай, өңірлеріміздің тұрғындары үшін неғұрлым тиімді әрі жаңа шешімдер қабылдауға мүмкіндік береді.
