Мемлекет мұқтажы үшін жер учаскелерін иеліктен шығару
Астана қаласының мәслихатында Азамат Айтқожиннің төрағалығымен «Мемлекет мұқтажы үшін жер учаскелерін алып қоюға байланысты жер учаскелерін немесе өзге де жылжымайтын мүлікті иеліктен шығару жөніндегі шарттардың жобаларын келісу туралы» тақырыбында заңдылық, құқық тәртібі және жұртшылықпен жұмыс мәселелері жөніндегі тұрақты комиссияның отырысы өтті.
Тұрғын үй және тұрғын үй инспекциясы басқармасының басшысы Әнуар Саипов С. Тоқпанов көшесі ауданында мектеп салу жоспарланып отырған учаскелердің мекенжайы мен параметрлерін ұсынды.
Тұрақты комиссияның төрағасы отырыс барысында меншік иелерімен онлайн режимде кездесу өткізді.
Тұрақты комиссия отырысының қорытындысы бойынша шешім қабылданды, жер учаскелерін иеліктен шығару жөніндегі шарттардың жобаларын келісу туралы мәселе мәслихаттың кезектен тыс сессиясында қарастырылатын болады және ол бойынша тиісті шешім қабылданатын болады.
