Астана қалалық мәслихатының депутаттары білім және спорт салаларында іске асырылған бірқатар нысандарға шығу жиынын өткізді
Шығу жұмысы инвестициялық және бизнес-климатты жақсарту, сондай-ақ отандық және шетелдік инвестициялық жобаларды қолдау мәселелері қаралатын алдағы сессияға дайындық аясында ұйымдастырылды.
Депутаттар жеке мектептер мен спорт орталықтарын аралады. Олардың қатарында «New Generation School Astana», «H2O Sports Club», «Фитнес Олимпия» және «Kazakhstan International School Astana» бар. Нысандарда олар мекемелердің ағымдағы қызметімен танысып, бар мәселелерді талқылады және әрі қарай дамыту бойынша ұсыныстарды тыңдады.
Жиналған материалдар мен ұсыныстар алдағы мәслихат сессиясына дайындық барысында ескерілетін болады.
