Астана қаласы мәслихатында басқармалар мен әкімдіктердің бюджеттік өтінімдерін қарауға дайындық жұмыстары жалғасуда

Екінші күні депутаттар «Байқоңыр» ауданының бюджет қаражатын пайдалану және оларды әрі қарай игеру жоспарлары туралы есебін тыңдауға арналған көшпелі отырыс өткізді.

Мұндай өзара іс-қимыл форматы жүзеге асырылған жобалардың тиімділігін жан-жақты қарастыруға, басым бағыттарды айқындауға және қосымша қаржыландыруды қажет ететін салаларды анықтауға мүмкіндік береді.

Талқылау барысында «Байқоңыр» ауданы бойынша ерекше назар аулаларды абаттандыру, инженерлік желілерді жаңарту, әлеуметтік инфрақұрылымды дамыту және қалалық ортаның жайлылығын арттыру мәселелеріне аударылды.