Құрметті ұстаздар мен педагогикалық саланың ардагерлері!

Сіздерді шын жүректен Ұстаздар күнімен құттықтаймын!

Бұл мереке – ерекше, өйткені ол өмірін ең асыл іске – өскелең ұрпақты тәрбиелеу мен оқытуға арнаған жандарды біріктіреді. Сіздер тек біліммен бөліспей, болашақ ұрпақты қалыптастырасыздар. Сіздердің еңбектеріңіздің, сабырлылықтарыңыз бен даналықтарыңыздың арқасында мыңдаған балалар білім әлеміне жол тауып, өз қабілеттерін ашып, елін сүйетін азамат болуға үйренуде.

Педагогикалық саланың ардагерлеріне айрықша алғыс айтамын. Сіздер елордамыздың қазіргі білім беру жүйесінің берік іргетасын қалап, жас мамандарға мол тәжірибелеріңізді, кәсіпке адалдық пен балаларға деген сүйіспеншілікті жеткіздіңіздер.

Сіздердің жұмыстарыңыздың әр күні шәкірттер мен ата-аналардың сый- құрметі мен алғысына толы болсын, жүректеріңізде әрқашан жетістіктеріңізге деген мақтаныш сезімі орын алсын. Сіздерге мықты денсаулық, мол бақыт, сарқылмас жігер және ағартушылық жолындағы еңбектеріңізге жаңа табыстар тілеймін.

Мерекелеріңіз құтты болсын, қадірлі ұстаздар! 

Құрметпен,
Астана қаласы
мәслихатының төрағасы
Табиғат Зейнұлқабден