Қасбеттерді жөндеу, сыртқы жарнама, көшелерді, үйлерді жарықтандыру

Қалалық мәслихатта Владислав Сергеевтің төрағалығымен құрылыс, экология, көлік және тұрғын үй-коммуналдық шаруашылық мәселелері жөніндегі тұрақты комиссияның отырысы өтті. Отырыс барысында депутаттар елорданың сәулеттік келбетін және оның құрамдас бөліктерін талқылады: сыртқы жарнама, қасбеттерді жөндеу, көшелер мен үйлерді жарықтандыру.

Бірінші болып Сәулет, қала құрылысы және жер қатынастары басқармасының басшысы Алтынбек Ахметов баяндады, ол брендбук құру туралы, оның ішінде, жылы жарықтандыруды пайдалануға үлкен көңіл бөлінетінін хабарлады. Қалада сыртқы жарнамадағы көрнекі шуға қарсы күрес жүргізілуде, жарнамалық конструкциялардың бірыңғай стандарты әзірленді, оны іске асырумен «Астана-Жарнама» кәсіпорны айналысады. Басқарма алдына қойылған міндеттерге қол жеткізу үшін «Урбанистика орталығы» және «Астана-Жарнама» екі ұйымын біріктіру жоспарлануда. Елорда келбетіндегі сапалы өзгерістер қоғамдық және аула кеңістігін ұлғайту, тарихи нысандарды қайта құру, жағалауды абаттандыру, саябақтар мен скверлерді құру есебінен көзделіп отыр.

«Астана – Жарнама» КММ директоры Асылбек Сабырқұлов елорданың бірыңғай сәулеттік-көркемдік келбетін жүзеге асыру қорытындылары туралы айтты.  1775 ғимарат зерттелді, 19 мыңнан астам жарнама нысанына демонтаж жасалды.  Сыртқы жарнаманы орналастыру мәселелері бойынша кәсіпорын басшыларымен кездесулер өткізілуде. Жарнаманың ашық кеңістікте орналасуына мониторинг жүргізіледі. Ол ШОБ субъектілері көбінесе жарнамалық құрылымдарды қасбетке орналастыратынын, дегенмен ережелерге сәйкес қауіпсіздікті қамтамасыз ету үшін жолдан және бір-бірінен белгілі бір қашықтықта орналасуы керектігін атап өтті. Сондай-ақ, ол дизайн-код ұғымының заңнамалық енгізілуі туралы хабардар етті. Сабырқұлов депутаттарға дизайн-код ұғымын қамтитын мәліметтерді егжей-тегжейлі баяндады.

«Өркен қала» ЖШС директоры Нұрсұлу Қожахметова кәсіпорынның негізгі функциялары, бюджеті және бекітілген штаты туралы хабардар етті. Басшының пікірінше, қаланың тарихи бөлігінде лифтілерді жөндеу, ТК жаңғырту бойынша нысаналы индикатор іске асырылды. Қазіргі уақытта бұрын жөнделген үйлерде құрылыс салушылар жіберген ақауларды жою бойынша жұмыстар жүргізілуде.

Депутат Кендебай Адамбек объектілерді аралау барысында атап өтті, депутаттар өз сұрақтарын қойды. Дизайн кодының шығуы қала үшін маңызды оқиға болып табылады. Бір жылға жуық мәслихат депутаттары дизайн-код жобасын жасауға қатысты. Осыған байланысты депутаттарда жоба неге осы уақытқа дейін мәслихатқа келісуге түспеді деген сұрақ туындайды. Депутаттың пікірінше, екі кәсіпорынды біріктіру туралы шешім даулы. Заң шілде айында қабылданды, «Астана-Жарнама» кәсіпорны жақында құрылып, қайта реформалануда.  Депутаттарға iKomek109 құрастырған, азаматтардың жарықтандыруға қатысты шағымдары бар құжат (21 бет) ұсынылды. Уәкілетті орган барлық проблемалық мәселелерді қалай шешеді? Депутат осы құжатқа жазбаша түрде жауап дайындауды сұрады.

Депутат Қанат Ибраев көше жиһазының бірыңғай стилін жасау жөнінде бірнеше рет сұрақ қойғанын еске салды. Ол бағдарламаны жүзеге асырудан тыс қалмауы керек қалалық жиһаз жасаушылардың мүдделерін қорғады.

Комиссия төрағасы Владислав Сергеевтің пікірінше, көп сынға ұшырамау үшін депутаттарды жұмыс тобының құрамына шақыру қажет еді. Дизайн-код үшінші тарап кәсіпорындарының мүдделерін қолдау үшін негіз болмауы керек.

Депутат Сәуле Самидин сәулет басқармасынан жаңа ЖШС құруға қатысты бюджет үшін негіздеме енгізуді сұрады. Ол ТК жаңғырту барысындағы әрқилы түс шешімдеріне қатысты әріптестеріне қолдау көрсетті.  ТК тұрғындарына түс таңдау бойынша ұсыныстарды тек уәкілетті орган беруі керек. Бірыңғай тәсіл қажет, өйткені жаңғырту бағдарламасы тағы бірнеше жыл іске асырылатын болады.  

Тұрақты комиссияның төрағасы Владислав Сергеев онлайн отырыс жұмысына қатысатын тұрғын үй алаптарының тұрғындары да қала шетінде бірыңғай стиль жасауға назар аударуды ұсыныс қылғандарын айтты.

Сонымен қатар, депутаттар модернизацияның негізгі мақсаты ескі ғимараттарға екінші өмір беру екенін айтты. Жаңарту барысында заманауи материалдарды пайдалану үшін сәулет жобасын пайдалану орынды болар еді. Кепілдік мерзімі екі жыл, олардың пікірінше, тым аз. Сондай-ақ, құрылыс салушыларды таңдау көптеген сұрақтар туғызады. Сыбайлас жемқорлық тәуекелдерін болдырмау үшін құрылыс салушылар арасында ашық конкурс өткізу ұсынылды. Депутаттар сәулет басқармасы бұл мәселені өз қолына алуы керек деп санайды. Кейбір депутаттардың пікірінше, бизнес-қауымдастық дизайн-кодын әзірлеуге аз тартылды.

         Мәслихат төрағасы Табиғат Зейнұлқабден қаланың келбеті біртіндеп жақсарып келе жатқанын атап өтті. Бұл ретте, зейін мен ресурстар негізінен орталық бөлігіне бағдарланған деп есептейтін қала шетінде тұратын тұрғындардан шағымдар түсуде. Мәслихат төрағасы ұзаққа созылатын құрылыс материалдарын қолдану, жарықтандырудың энергия үнемдейтін технологияларын енгізу және тұрғындар, мердігерлік ұйымдар мен мемлекеттік органдар арасындағы тікелей өзара іс-қимылды күшейту жөнінде бірқатар ұсыныстар мен кеңестер берді.

         Отырысты қорытындылай келе, комиссия төрағасы Владислав Сергеев депутаттардың уәкілетті ұйымдармен белсенді өзара әрекеті талқылау кезеңінде көптеген мәселелерді шешуге мүмкіндік беретінін айтты.