Қалалық мәслихат депутаттары елорда сәулеттік келбетін жақсарту бағдарламасына енгізілген нысандарды аралап, тексеріс жүргізді

Тізімге өткен ғасырдың 80–90 жылдары салынған үш тұрғын үй енді:

• Конституция көшесі, 14/1;
• Сембинов көшесі, 10/1;
• Күйші Дина көшесі, 5/1.

Жұмыстар елорданың тұрғын үй-коммуналдық инфрақұрылымын дамыту тұжырымдамасы аясында жүзеге асырылуда. Бағдарламаның операторы – «Өркен қала» ЖШС. Ережеге сәйкес, қажетті жұмыс түрлерін тұрғындардың өздері айқындайды, ал мердігер ұйым атқарылған жұмыстарға екі жылдық кепілдік береді.

Тексеру қорытындысы бойынша:

• екі нысанда (Сембинов көшесі, 10/1 және Күйші Дина көшесі, 5/1 жұмыстар сапалы орындалып, белгіленген стандарттарға сәйкес келетіні анықталды;
• бірінші нысанда (Конституция көшесі, 14/1) сыртқы және ішкі әрлеу жұмыстарына қатысты ескертулер бар. Дегенмен, үйішілік инженерлік желілерді ауыстыру және жертөле жайларын жөндеу толық көлемде атқарылып, сын-ескертпесіз қабылданды.

Аралау нәтижелері бойынша тиісті ұсыныстар әзірлеу үшін тұрақты профильдік комиссияның отырысын өткізу жөнінде шешім қабылданды.