Елордалық мәслихат депутаттарына «Астана су арнасы» коммуналдық кәсіпорнының жаңартылған арнайы техника паркі таныстырылды

Алаңда заманауи канал жуу машиналары, апаттық-құтқару көліктері, экскаваторлар, жүктиегіштер, тегістегіш катоктар, сондай-ақ инженерлік желілерді тиімді күтіп ұстауға және апаттарға жедел әрекет етуге арналған қосалқы техника көрсетілді. 

Арнайы техниканың басым бөлігі кәсіпорынның өз қаражаты есебінен сатып алынған. Қалған техника қалалық коммуналдық инфрақұрылымды жаңғырту бағдарламасы аясында елорда әкімдігінің қолдауымен алынған. Бұл жаңарту қаланың инженерлік жүйелерін сенімді әрі жедел қызметпен қамтамасыз етуге, сондай-ақ қоғамдық жайлылық пен тұрғындардың қауіпсіздігін арттыруға бағытталған маңызды қадам.