Астана күні қарсаңында елордада коммуналдық сала қызметкерлеріне арналған ерекше нысан – «Коммуналдық қызметкерлер аллеясы» салтанатты түрде ашылды

Бұл – еңбегі көпшілікке көрінбесе де, әрбір тұрғынның күнделікті өмірінде аса маңызды рөл атқаратын мамандарға деген құрмет пен алғыстың символы. Аллея Абай даңғылы бойында, Жұбанов көшесінен Пушкин көшесіне дейінгі аралықта орналасқан. Жалпы аумағы – 10 700 шаршы метр, ұзындығы – 650 метрді құрайды. Жоба аясында жол бөлігі кеңейтіліп, 70 көлікке арналған автотұрақ, 33 жарық шамы, 18 жиынтық орындық пен қоқыс жәшігі орнатылды. Сонымен қатар, балалар мен спорт алаңдары, воркаут аймағы, 7 жаттығу құрылғысы жабдықталды. 

Сондай-ақ 2018 жылы қаланың 20 жылдығы мен «Астана су арнасы» кәсіпорнының 60 жылдығына орай орнатылған «Су арнасы» монументі де көрнекті орынға ауыстырылып, қайта орналастырылды. 

Салтанатты шара барысында сөз сөйлегендер сала ардагерлеріне – осы істің бастауында тұрған, білімі мен тәжірибесін кейінгі ұрпаққа мұра еткен жандарға ерекше алғыс білдірдім. Бұл аллея – елорда тіршілігінің үздіксіз жұмысын қамтамасыз етіп жүрген қарапайым еңбек иелерінің еңбегіне деген ризашылықтың нақты көрінісі.