Құрметті елорда тұрғындары мен қонақтары!
06.07.2025
Сіздерді Елорда күнімен шын жүректен құттықтаймын!
Астана – тәуелсіз және қарқынды дамып келе жатқан Қазақстанның символы.
Мұнда ірі бастамалар жарық көріп, маңызды мемлекеттік жобалар жүзеге асып, басқарудың заманауи қадамы қалыптасуда. Бұл қала жаңа уақыттың ашық, жасампаз және келешекке бейімделген рухының көрінісі.
Біздің әрбіріміз елорданың дамуына еңбегімізбен, бастамаларымызбен және туған қалаға қамқорлығымызбен өз үлесімізді қосудамыз. Бірлескен еңбектің арқасында Астана өмірдің, жұмыстың және шығармашылықтың барынша жайлы, қауіпсіз, заманауи және шабыт беретін алаңына айналуда.
Біздің қаламыз қарқынды түрде өзгеруде – көлік және инженерлік инфрақұрылым дамып, аулалар, саябақтар және қоғамдық кеңістіктер абаттандырылуда. Мұның бәрі – жүйелі, мақсатты жұмыстардың және біздің әрбіріміздің қосқан үлесіміздің нәтижесі.
Осы мереке күні сіздерге мықты денсаулық, береке, бейбітшілік және жаңа жетістіктер тілеймін. Астана гүлдене берсін, біздерге шабыт беріп, ынтымағымызды арттыра бергей!
Құрметпен,
Астана қаласы
мәслихатының төрағасы Табиғат Зейнұлқабден