Астана қалалық мәслихатының депутаттары мемлекеттік орган өкілдерімен бірге «Казгородок» тұрғын алабының белсенді тұрғындарымен кездесу өткізді

Ашық диалог форматында өткен басқосуда тұрғындарды алаңдатқан өзекті мәселелер мен нақты жетістіктер талқыланды.

Атап айтқанда, ауданның белсенді тұрғыны Раушан Шпекбаевна қуанышты жаңалықпен бөлісті: үш жылға жуық жасаған өтініштерден кейін тұрғын алапта интернет пен цифрлық телехабар тарату сапасы айтарлықтай жақсарған. Дегенмен, атқарылар іс әлі де көп. Қазіргі уақытта бұл аумақта газдандыру, ескі электр бағаналарын ауыстыру және басқа да өмір сүруге қажетті инфрақұрылым нысандарын жобалау жұмыстары жүргізіліп жатыр.