Елорданың тұрғын алаптарында инженерлік желілер мен жол инфрақұрылымының құрылысы

Қалалық мәслихатта Владислав Сергеевтің төрағалығымен құрылыс, экология, көлік және тұрғын үй-коммуналдық шаруашылық мәселелері жөніндегі тұрақты комиссияның отырысы өтті.

Отырыстың күн тәртібінде «Елорданың тұрғын алаптарында инженерлік желілер мен жол инфрақұрылымының құрылысы туралы» мәселе тұр.

Бірінші болып көлік және жол-көлік инфрақұрылымын дамыту басқармасының басшысы Асхат Қарағойшин баяндады, ол ағымдағы жылы қаланың 6 тұрғын алабында 8 жобаны іске асыру жоспарлары туралы хабардар етті. Ол «Оңтүстік-шығыс» (сол жағы 1-кезек, сол жағы 2-кезек), «Көктал-1» (2-кезек) тұрғын алаптарында құрылыс, абаттандыру және көгалдандыру жөніндегі жағдайларға толыққанды тоқталды. «Интернациональный», «Мичурино», «Күйгенжар» тұрғын алаптарында электрмен жабдықтаудың сыртқы желілерін салу жағдайы туралы айтты. «Железнодорожный» тұрғын алабында 19 сан, «Үркерде» - 16 тротуар және 5 бағдаршам объектісі, «Мичуринода» – ұзындығы 9 км 23 көше, «Достықта» – ұзындығы 5,82 км         7 көше салу көзделген.

Коммуналдық шаруашылық басқармасының басшысы Ерлан Сыздықов 9 жобаны іске асыру жоспары туралы баяндады. «Сарыарқа» ауданындағы «Көктал-1» тұрғын алабы бойынша сумен жабдықтау, су бұру және нөсер кәріз желілері бойынша жоба әзірленуде. Сөз сөйлеушінің айтуынша, «Байқоңыр» ауданынының «Кирпичный» т/а-да сумен жабдықтау, тұрмыстық кәріз, дренаж жүйесін салу бойынша құрылыс-монтаж жұмыстары басталды. «Өндіріс» және «Казгородок» т/а-да сумен жабдықтау және кәріз бойынша жобалар  әзірленуде. «Оңтүстік-Шығыс» т/а-да (оң жағы) жобаны іске асыру сот талқылауына байланысты тоқтатылды. «Сарайшық» ауданының «Промышленный» т/а-да су құбыры, нөсер кәрізі желілерінің құрылысы көзделген, «Шұбары», «Тельман» т/а-да («Есіл» ауданы) сумен жабдықтау, су бұру, нөсер кәріз желілері жобалары бойынша жұмыстар жүргізілуде.

Энергетика басқармасы басшысының орынбасары Мақсат Исмағұлов Астананы газдандыру жағдайы туралы ақпаратпен сөз сөйлей бастады. Құрылыс-монтаждау жұмыстары жүргізілуде, «Шұбары» т/а-дағы жұмыстардың 90% орындалды. Үркер т/а-да (1,2 іске қосу кешені) «Мемлекеттік-жекешелік әріптестік туралы» заң шеңберінде конкурс жариялау үшін конкурстық құжаттама әзірленуде. «Тельман» т/а-да орамішілік газ құбырын салу жөніндегі ЖСҚ «QazaqGas Aimaq» АҚ-ға іске асыруға берілді, «Тельман» т/а-да газ құбырын жеткізу желілерінің құрылысы басталды. Сондай-ақ, Исмағұлов жоспарланған жобалар туралы, «Өндіріс», «Garden Village», «Казгородок» т/а газбен қамтамасыз ету туралы айтты. Сенімді электрмен жабдықтауды қамтамасыз ету мақсатында «Байқоңыр» ауданында ҚС-110 кВ және РП, ТП, КТП-10/0,4 кВ салу, сондай-ақ, Сороковая станциясы, Железнодорожный т/а-да РП, ТП,КТП-10/0,4 кВ салу және реконструкциялау жұмыстары жүргізілетін болады.

Депутат Бауыржан Смайылов жақында «Сарыарқа» ауданы әкімінің халықпен кездесуі барысында ол Сарыарқа ауданындағы жолдарды жөндеуге қатысты сұрақ қойғанын хабарлады. Тұрғындарға Тілендиев даңғылы/ Бейсекова көшесінің қиылысында екі деңгейлі жол айрығын салу жоспарланып отырғаны белгілі. Құрылыс ұзаққа созылуы мүмкін деген алаңдаушылық бар.

 Депутат Кенжебай Адамбек көлік басқармасының басшысына қаланың шетінде кәріз желілерін салу, газдандыру жұмыстары қашан аяқталатыны туралы сұрақ қойды. Депутат басқарманың көптеген жобалары бар екенін, олардың арасында аяқталмаған жобалары да бар екенін атап өтті.                       Адамбек басқарма бұл мәселелерді қалай шешетінін сұрады. Оның пікірінше, маңызды мәселелерді шешуге жетіспейтін соманы келесі жылдың лимитіне қосу керек.

Депутат Ғабит Тәжімұратов тағы да Amanat партиясының жол картасы тармақтарының міндетті түрде орындалуы туралы айтты. Оны «Достық» т/а құрылысы аяқталып жатыр ма, оған ақшалай қаражат бар ма деген сұрақ қызықтырды. Бұдан басқа, «Железнодорожный» т/а-да жағдай қалай қалыптасуда, «Тельман» т/а Зайсан көшесіндегі жол картасының тармақтарын орындау бойынша жағдай қандай екенін сұрады.

Оқушылардың қауіпсіздігін қамтамасыз ету үшін жаңа мектептердің жанындағы қиылыстарға бағдаршам нысандарын орналастыруды депутат Бауыржан Смайылов талап етті. 

Депутат Ерлан Дәкенов жол жамылғысының сапасына қатысты, оған басқарма тарапынан назар аударыла ма деген сұрақ қойды. Сондай-ақ, оны Әлихан Бөкейхан көшесін кеңейту, басқарма жоспарында осы көшені кеңейту бар ма деген сұрақ қызықтырды.

Депутат Мәулен Самамбетов бұған дейін соңғы аялдамаларды аралап шыққанын, оның барысында жүргізушілерге арналған дәретханаларды орнату және бұрылыс алаңдарын салу туралы сөз болғанын айтты. Ол көлік басқармасының басшысына нысандарға бірге баруды ұсынды.

Тұрақты комиссияның төрағасы Владислав Сергеев көлік басқармасының басшысынан Мемлекет басшысының тапсырмасына сәйкес мамыр айының соңында жолдарды цифрландыру бойынша презентация ұсынуды сұрады.

Депутат Кендебай Адамбек коммуналдық шаруашылық басқармасының басшысынан қанша жоба іске асырылғаны, қанша жоба іске асырылатыны туралы ақпарат беруін, аяқталмаған жобалар бойынша қандай әрекет жоспарланатынын сұрады.

Комиссия төрағасы Владислав Сергеевтің айтуынша, кейде жобаның аяқталу мерзімі «Оңтүстік-Шығыс» т/а-дағыдай процедуралық мәселелерге байланысты кешіктіріледі. Отырысқа дайындық барысында депутаттар ведомстволық бағынысты ұйымдарды аралап шықты. Мысалы, жөндеуді қажет ететін 20 КАМАЗ сатып алынды. Сергеев сатып алынатын арнайы техниканың сапасына назар аудармай сатып алуға ақша жұмсамау керек деп санайды.

Депутат Кендебай Адамбек жыл соңында басқармаларды күні бойы тыңдауды ұсынды, ведомстволық бағынысты ұйымдарда бар арнайы техниканы талдауды ескере отырып, егжей-тегжейлі әңгімелесу жүргізілуі керек екенін айтты. Тағы да аяқталмаған жобаларды еске түсірді, олармен әлдекім айналыса ма, жоқ па?

Депутат Бауыржан Смайылов «Шұбары» т/а газдандыруға қанағаттанғандығын білдірді, алайда, жоспарға енбеген көшелер бар екенін атап өтті. Мысалы, Сарыарқа ауданында ЕПМ газдандырусыз қалды. Ол ақпаратты жазбаша түрде беруді сұрады.

Депутат Қанат Ибраев тұрғын үй алаптары бойынша шығындардың сомасы неге сонша ерекшеленетінін, бағаның әр түрлі болуының себебі неде, неге байланысты екенін сұрады. Ақмола облысының бюджеті есебінен Garden Village газдандыру мәселесін шешуге бола ма?

Депутат Ғабит Тәжімұратов Қала маңындағы саяжай алабы бойынша бұзуға дейін, уақытша, газдандыру жүргізілетіні туралы сұрақ қойды.

Тұрақты комиссияның төрағасы Владислав Сергеев отырысты қорытындылай келе, депутаттардың барлық мәселелері қаулыға енгізілетінін мәлімдеді. Тұрғындарға іске асыру мерзімдері туралы дұрыс ақпарат қажет, нақтылау барысында депутаттар барлық деректерді ескеретін болады. Жедел жәрдем машиналарын сатып алудың қайғылы тәжірибесі бар, олардың кейбіреулері жұмыс істемейді, қазір арнайы техника бойынша да осы мәселе орын алуда.