Депутаттар қабылдаған 2035 жылға дейінгі Бас жоспарға сәйкес, «Байқоңыр» ауданының реновациясына арналған жалпы аумақ 297 гектарды құрайды

Бұл процесті жүзеге асыру үшін инвесторларға 23 жер учаскесі бөлінген. Жақын уақытта бұл аумақта емханалар, медициналық орталықтар, мектеп оқушыларына арналған аулалар, тұрғын үй кешендері, мектептер, скверлер және басқа да әлеуметтік нысандар салынатын болады.

Бүгін мәслихат депутаттары бюджет қаражатының тиімді пайдалануын бақылау шеңберінде Астана қаласының аудандарында көшпелі жиындарды бастады. Жиын барысында аудан әкімінің проблемалық мәселелер мен әлеуметтік-экономикалық даму жөніндегі есебі тыңдалды. Сонымен қатар, «Байқоңыр» ауданының бірмандатты округтерінен сайланған депутаттар - Салтанат Жаналаева, Ләззат Разбекова және Қанат Естек  көтерген өзекті мәселелер қаралды. Тұрғын үйлердің қасбеттерін жөндеу, ескі үйлерді сүру, округтерді абаттандыру сияқты мәселелер бойынша тиісті жауаптар берілді. Барлық аталған мәселелер депутаттық бақылауға алынды.