Астана қаласы Қоғамдық кеңесінің жаңа құрамы

Қалалық мәслихатта Астана қаласының Қоғамдық кеңесі мүшелігіне кандидаттармен әңгімелесу өтті.

Бұл қоғамдық институттың мәртебесі мен өкілеттігі, сондай-ақ қалыптастыру тәртібі «Қоғамдық кеңестер туралы» ҚР Заңымен, Қоғамдық кеңес туралы үлгілік ережемен реттеледі. Шын мәнінде, бұл қаржыландырылмайтын және оған мүшелік Қоғамдық кеңестің құрамына кірмейтін Қоғамдық кеңестің хатшысы лауазымынан басқа өтеусіз қоғамдық сипатқа ие қоғамдық ұйым. Қоғамдық кеңестің өкілеттік мерзімі үш жылды құрайды. Қоғамдық кеңестің шешімдері мемлекеттік органдар мен квазимемлекеттік сектор субъектілерінің қарауы үшін міндетті сипатқа ие ұсынымдар болып табылады. Жергілікті деңгейде Қоғамдық кеңестің қызметін ұйымдастырушылық қамтамасыз етумен Астана қаласының мәслихаты айналысады.

Жұмыс тобы Қоғамдық кеңес туралы ереженің жобасын әзірледі, ол Қоғамдық кеңестің отырысында бекітілді. «Қоғамдық кеңестер туралы» ҚР Заңының 8-бабына сәйкес, жұмыс тобының жетекшісі азаматтық қоғам өкілі, «Қазақстанның Азаматтық Альянсы» ЗТБ президенті Бану Нұрғазиева болып табылады.

Екі күн бойы, ағымдағы жылдың 5-6 наурызында жұмыс тобы Қоғамдық кеңес мүшелігіне кандидаттарды конкурстық іріктеу өткізді.

Айта кету керек, Қоғамдық кеңес мүшелігіне үміткерлердің арасында білім беру ұйымдарының, ЖК, ЖШС, қоғамдық бірлестіктердің, үкіметтік емес ұйымдардың басшылары, банк қызметкерлері, мәдениет өкілдері болды. Олардың едәуір бөлігі өзін-өзі ұсынушылар (-%).

Қоғамдық кеңес мүшелігіне кандидаттар үшін сұрақтар тізбесіне олардың кәсіби және жеке қасиеттерін анықтауға, сондай-ақ Қоғамдық кеңестер туралы заңнаманы білу деңгейін айқындауға бағытталған сұрақтар енгізілді.

Кандидаттарды іріктеу рәсімі аяқталғаннан кейін Қоғамдық кеңестің жаңа құрамы қалалық мәслихаттың сайтында орналастырылатын болады.