Мәслихаттың үш сайланымдарының депутаты К. Н. Аносованың 75 жылдық мерейтойына құрмет көрсету

Қалалық мәслихатта қалалық мәслихаттың үш сайланымдарының депутаты, №1 қалалық аурухананың бұрынғы бас дәрігері Құлжан Насырқызы Анасованың 75 жылдық мерейтойына құрмет көрсетілді.

Іс-шараның құрметті қонақтарының қатарында мәслихаттың әртүрлі сайланымдарының депутаттары, қалалық емханалар, ауруханалар директорлары, АМАNАТ партиясы Астана қалалық филиалының атқарушы хатшысы Мұхаммеджан Болысбек, республикалық алғашқы медициналық-санитарлық көмек орталығының директоры Айгүл Қасымова, «Астана Су Арнасы» бас директорының м. а. Абылай Елжасов және т. б. болды.

Құлжан Насырқызының еңбек жолы қаланың денсаулық сақтау саласымен тығыз байланысты. Елорданың қалыптасу жылдарында                     1997-1999 жылдары қалалық аурухананың бас дәрігерінің емхана жұмысы жөніндегі орынбасары қызметін атқарды, 1999 жылдың 1 наурызынан 2016 жылдың 23 ақпанына дейін №1 қалалық емхананы басқарды, сонымен бірге ҚР Денсаулық сақтау министрлігінің амбулаториялық-емханалық көмек жөніндегі штаттан тыс бас маманы болған. Құлжан Насырқызы елорданың денсаулық сақтау ұйымының бастауында тұрды.

К.Н. Анасованың қоғамдық қызметі жас Астананың қалыптасуына елеулі үлес болғаны сөзсіз. Ол № 2 сайлау округі бойынша қалалық мәслихаттың үш сайланымдарының депутаты ретінде сайланған.

Қазақстан Республикасы халқының денсаулығын қорғау ісіндегі ерекше еңбегі үшін Құлжан Насырқызы Анасова «Құрмет» орденімен, «Қазақстан Республикасы денсаулық сақтау ісінің үздігі» төсбелгісімен, көптеген мерейтойлық медальдармен, грамоталармен және алғыс хаттармен марапатталды.

Мерейтойға орай АМАNАТ партиясы Астана қалалық филиалының атқарушы хатшысы Болысбек Мұхаммеджан; қалалық мәслихаттың V, VI саланымдарының депутаты, Ұлттық нейрохирургия орталығының директорлар кеңесінің төрағасы Мәжит Шайдаров; Денсаулық сақтау үздігі, қалалық мәслихаттың үш сайланымдарының депутаты, Елорданың Құрметті азаматы Надежда Петухова; қалалық мәслихатының VI сайланымының депутаты, медицина ғылымдарының кандидаты, Еңбек ері, көпсалалы медициналық орталықтың директоры Мұхтар Төлеутаев, №1 қалалық емхананың директоры Ерлан Мұсенов, «ҒЗЖИ» Астанабасжоспар ЖШС Бас директорының кеңесшісі Назымбек Кенжебаев құттықтау сөз сөйледі.

Мерекелік іс-шара қонақтары қалалық мәслихат төрағасы Табиғат Зейнұлқабденге, мәслихат аппаратына еңбек ардагерлеріне үнемі қамқорлық жасағаны, ұрпақтар сабақтастығын сақтағаны, әртүрлі шақырылымдағы депутаттардың, Қазақстан астанасының әлеуметтік-экономикалық дамуына елеулі үлес қосқан түрлі қызмет салаларының өкілдерінің мерейтойлық іс-шараларын ұйымдастырғаны үшін алғыс білдірді.