Астана қаласының Қоғамдық кеңесін қалыптастыру жөніндегі жұмыс тобы мүшелерінің отырысы
12.02.2025
Қалалық мәслихатта Астана қаласының Қоғамдық кеңесін қалыптастыру жөніндегі жұмыс тобының бірінші отырысы өтті.
Отырысты ашу барысында мәслихат төрағасы Зейнұлқабден Табиғат 2025 жылғы 10 ақпанда конкурстық негізде жұмыс тобының құрамына 6 мүше іріктелгенін, ол электрондық дауыс беру жүйесін пайдалана отырып, ашық дауыс беру арқылы жүзеге асырылғанын айтты.
Заңнаманың талаптарына сәйкес жергілікті деңгейдегі жұмыс тобының құрамын мәслихат төрағасы бекітеді.
Осыған байланысты мәслихат төрағасы 9 адамнан тұратын жұмыс тобының құрамын бекітті, оның ішінде 6-ы - коммерциялық емес ұйымдардың мүшелері, азаматтар және 3-і - мемлекеттік органдардың өкілдері.
Мәслихат төрағасы азаматтық қоғамнан өкілдердің тізімін жариялады:
- Бисенова Анара Гимрановна
- Болатова Айгүл Рахымқызы
- Есмағанбетова Салтанат Мырзағұлқызы
- Қожахметов Шыңғысхан Шопанұлы
- Нурғазиева Бану Ғаниқызы
- Шахаров Танат Орынбекқызы
Көпшілік дауыспен Астана қаласының Қоғамдық кеңесін қалыптастыру жөніндегі жұмыс тобының басшысы болып Бану Нұрғазиева сайланды.
Отырыс барысында жұмыс тобы Қоғамдық кеңес мүшелерінің сандық құрамын анықтады (31 адам). Сайланған жұмыс тобы Қоғамдық кеңестің жаңа құрамына құжаттарды қабылдау туралы хабарлама дайындайтын болады.