Елорданың учаскелік полиция инспекторларының халықпен өзара іс-қимылы

Қалалық мәслихатта Азамат Айтқожиннің төрағалығымен «Астана қаласының учаскелік полиция инспекторларының бекітілген аумақта халықпен өзара іс-қимылы және отбасылық-тұрмыстық қатынастар саласындағы құқық бұзушылықтардың жолын кесу туралы» мәселе бойынша Астана қаласы мәслихатының заңдылық, құқық тәртібі және жұртшылықпен жұмыс мәселелері жөніндегі тұрақты комиссиясының отырысы өтті.

Астана қаласы полиция департаменті бастығының бірінші орынбасары Эльдар Данияров баяндап, учаскелік мәртебені арттыру, оған процестік дербестік беру жөнінде шаралар қабылданғанын атап өтті. Қалалық әкімдік пен мәслихаттың қолдауымен учаскелік бөлімдердің штат саны 417 бірліктен 548 бірлікке дейін ұлғайтылды, 4 учаскелік полиция пункті қабылданды, қолданыстағы үй-жайларда ағымдағы жөндеу жүргізілді. Қазіргі уақытта ПД балансында 55 УПП орналасқан 49 үй-жай бар. Спикер депутаттардан қосымша үй-жайларды сатып алуға жәрдем көрсетуді сұрады. Қазіргі уақытта полиция департаменті «Қаздрим» IT компаниясымен бірлесіп «Онлайн учаскелік» цифрлық жобасын іске асыруда, ол жедел маңызды ақпараттың бар-жоғына жалпы үй чаттарына мониторинг жүргізуге мүмкіндік береді. Әкімшілік тәртіпте отбасылық-тұрмыстық қатынастар саласындағы құқық бұзушылықтар үшін 9140 адам тартылды. Жыл басынан бері сенім телефонына 517 әйел жүгініп, оларға қажетті көмек көрсетілді. Қазір тұрмыстық зорлық-зомбылықтың алдын алудың ең жаңа құралы («ODARA») қолданылады, оның көмегімен агрессияға бейім адамдар анықталады. Алайда, баяндамашы әр түрлі құралдарды қолданғанына қарамастан, бұл жұмыста барлық мүдделі органдар мен ұйымдардың бірлескен күш-жігерімен ғана жетістікке жетуге болатындығын атап өтті.

Депутат Жанаргүл Құлмағамбетова жоғарыда келтірілген статистикаға назар аударды - 9140 адам (30%-ға өсім) отбасылық-тұрмыстық қатынастар саласындағы бұзушылықтар үшін тартылды. Осыған байланысты, үй-жайларды, автомобильдерді сатып алудан гөрі, мәселен, алдын-алу, бағдарламаны әзірлеу үшін көбірек қаражат сұрау керек.

Депутат Сәуле Самидин алдын алу бойынша қандай шаралар қабылданып жатыр, алдын алу саласында қандай оқыту жүргізіліп жатыр, осы салада бұзушының талдауы, портреті бар ма деген сұрақ қойды. ПД мұндай адамдармен қалай жұмыс істейді. 9 мыңнан астам агрессор, агрессияның себебін білу керек, бұл бұзушылар халықтың қай тобына жатады.

Депутат Бауыржан Смайылов Көктал 1, Көктал 2 тұрғын алаптары кіретін № 15 сайлау округі шетінде екенін атап өтті. Аға учаскелік инспекторы жоқ, патрульдік көлік аумақты айналып өтпейді, ал осы аумақта есірткі салушылар көп. Депутат осы аумаққа ерекше назар аударуды сұрады.

Депутат Нұрлан Өтешевтің айтуынша, соңғы уақытта абьюз мәселелеріне көп көңіл бөлінуде. Балалар қауіпсіздігі жөніндегі сарапшы Юлия Смышляева полиция қызметкерлеріне оқыту тренингтерін өткізе алар еді. Депутаттар оқытуды ұйымдастыруға көмек көрсетуге дайын.

Депутат Ғабит Тәжімұратов полицияның учаскелік пункттеріне барған кезде олардың көпшілігі жөндеуді қажет ететініне көз жеткізгенін айтты. Пригородный тұрғын алабы кіретін депутаттың сайлау округі шетінде орналасқан, осы алаптың жанында орналасқан саяжай ауылы бойынша көптеген сұрақтар бар. Сонымен қатар, депутат ведомстволық күзет ПД-ға бағынады ма деп сұрады. Күзет өкілдерімен жұмыс жүргізу, қызметкерлердің кәсіби деңгейін ғана емес, жеке деңгейін де арттыру қажет.

Депутат Владислав Сергеев ПД үлкен жұмыс жүргізіліп жатқанын атап өтті. Бір отырыс аясында бұл мәселені шешу мүмкін емес. Ақшалай қаражат білім беру, жастар саясаты және мемлекеттік органдар қызметінің басқа бағыттары бойынша бөлінеді, бірақ нақты нәтиже жоқ. Депутаттың пікірінше, үздік тәжірибелерді, оның ішінде шетелдік тәжірибелерді енгізу керек. Тек полиция күштері мәселені шеше алмайды, кешенді тәсілдеме қажет.

Депутат Кендебай Адамбек әріптесін қолдады, ведомствоаралық комиссия жұмыс істейді, депутаттардың, комиссиялардың қандай өкілеттіктері бар. Қызметтік жүктеме мәселесін қарастыру қажет. Учаскелік инспекторларын көбінесе оларға тән емес функциялармен жүктейді, олардан әртүрлі бағыттар бойынша шексіз есептерді қажет етеді. Қазір учаскелік инспектордың тиімділік индикаторын белгілеу ұсынылады, ол ең алдымен халықпен көп жұмыс істеуге, құқық бұзушылықтардың алдын алуда шешуші рөл атқаруға тиіс. Олардың әлеуметтік пакетін қарастырып, полицияның  дәстүрлі моделінен сервистік моделіне көшу мәселесін шешу қажет.

Депутат Динара Оразалина депутаттар ПД нысандарына барған кезде полиция қызметкерлерінің жұмысы қаншалықты күрделі және жауапты екенін көргенін айтты. Оң өзгеріс бар екені байқалады, агрессияның жоғары деңгейі бар 112 адам анықталды, бұл алаңдатады. Әрине, мәселені жан-жақты шешу керек.

Мәслихат төрағасы Зейнулқабден Табигат қолданыстағы нормативтер бойынша бір учаскелік инспекторға 2000 адам болу керек, ал іс жүзінде орта есеппен 3000-нан астам адам бар екенін нақтылады. Қаланың жаңадан құрылған аудандарының бөлімдерін аралау барысында депутаттар учаскелік пункттерді қаржыландыру мәселелерін шешу қажеттігіне көз жеткізді. Сонымен қатар, полицейлердің біліктілігін арттыру мәселесін шешу қажет.

Тұрақты комиссияның төрағасы Азамат Айтқожин отырысты қорытындылай келе, комиссия базасында жеке жұмыс отырысын өткізуді ұсынды.