Елордадағы әлеуметтік нысандар құрылысының мәселелері мен перспективалары

Қалалық мәслихатта құрылыс, экология, көлік және тұрғын үй-коммуналдық шаруашылық мәселелері жөніндегі тұрақты комиссияның отырысы өтті.

Құрылыс басқармасының басшысы Төлеген Құлышев өз сөзінің басында жеткілікті қаржыландыру шартымен құрылыс нысандарын, 9 ЖТК тапсыру мерзімі туралы баяндады. Бюджеттік-инвестициялық жобалар шеңберінде білім беру объектілерінің арасында Үркер тұрғын алабында 900 орындық мектеп және №13, №41, №83, №82, №72, №73, №80 мектептеріне әрқайсысы 600 орынға арналған 9 жапсаржай құрылыстары салынуда. «Жайлы мектеп» жобасы аясында 2024 жылы 30400 орындық 16 мектеп пайдалануға берілді. 2025 жылдың соңына дейін 14000 орындық 7 мектепті пайдалануға жіберу жоспарлануда. Құлышев денсаулық сақтау нысандарына қатысты №2 қалалық көпсалалы аурухана мен №1 перинаталдық орталықты біріктіріп қабылдау-диагностикалық кешенінің құрылысы жалғасып жатқанын айтты. 250 төсектік перинаталдық орталық, С189 көшесі ауданындағы Перинаталдық орталық, Өндіріс тас жолындағы амбулаториялық-емханалық кешен және С638 көшесінде  №3 көпсалалы қалалық аурухана, №4 қалалық балалар ауруханасы жобалау сатысында. Мектепке дейінгі мекемелерде орын тапшылығы мәселесін шешу үшін 2029 жылға дейін 60 мемлекеттік балабақша салу жоспарлануда. Оқушылар сарайларының құрылысы басталды. Қ.Мұңайтпасов атындағы стадион бойынша бөлшектеу жұмыстары аяқталды, Қазақстан спорт сарайын қайта жаңарту жоспарлануда, Сарыбұлақ өзенін қайта жаңарту аяқталу сатысында. Спикер қала тұрғындарының өтініштері бойынша негізінен шатырдан су өтуге, аула аумағын абаттандыруға байланысты проблемалық мәселелерге де тоқталды. Ол сондай-ақ жосықсыз құрылыс салушылармен сот процестері туралы хабарлады. Бүгінгі таңда, спикердің пікірінше, мәселенің шиеленісуі алып тасталынған.

Депутат Кендебай Адамбек аталған отырысқа дайындық барысында спорт нысандарына қатысты мемлекеттік аудит нәтижелері бойынша ақпарат түскенін атап өтті. Ақпарат жазбаша түрде басқармаға жіберіледі. Бұған дейін құрылыс басқармасына тапсырмалар берілген болатын, олар қазіргі таңда  орындалған. Алайда құрылыстың сапасына қатысты сұрақтар бар. Президент Әкімшілігінің тапсырмасы бойынша Алматы қаласындағы құрылыс объектілерін тексеру қорытындысынан кейін республика бойынша объектілерді тексеру жүргізілді. Бюджет ысырабы, соның ішінде тиімсіз бақылау бюджет қаражатының айтарлықтай артық тұтынылуына әкелді. Инженерлік желілер коммуналдық меншікке берілмеген. Екі күн бойы мәслихат депутаттары объектілерге барып, объектілердегі істердің жай-күйіне наразы болды. Осыған байланысты депутат белгілі бір сектор үшін жағдайды бақылап, қалған депутаттарға хабардар ету мақсатында бір жауапты депутатты бекітуді ұсынды.  Әлеуметтік нысандарды салудағы қызметтің әрбір бағытын бөлек қарастыру керек – жағдай осындай.

Депутат Бауыржан Смайылов оның округінде №41 мектеп бар екенін, сондай-ақ бұрынғы құрылыс салушымен шарттың бұзылғанын білетінін айтты. Бүгінгі таңда жаңа құрылыс салушы анықталды, депутат құрылыс басқармасының басшысына жаңа құрылыс салушының халықпен кездесуін өткізуді ұсынды. Бюджеттен қаражат бөлінді, енді бәрі құрылыс салушының тындырымдылығына байланысты.

Депутат Бахаргүл Төлеген Үркер тұрғын алабында жаңа құрылыс салушының мектеп салуын созу мәселесін көтерді. Мектептің құрылысы қыркүйек айында аяқталады деп уәде етілді, бірақ құрылыс қарқыны халықтың жобаның сәттілігіне күмән келтіреді.

Депутат Динара Оразалина №23 мектеп бойынша кінәлі тұлғалар қылмыстық жауапкершілікке тартылғанын атап өтті. Ол хаттамаға №23 мектеп белсенділері тобының ескертпелерін, олар (яғни ескертпелер) болашақта  ескерілуі үшін енгізуді сұрады.

Депутат Сәуле Самидин білім беру нысандарын жөндеу бойынша шешім қалай қабылданатыны туралы сұрақ қойды. Мәселен, №6 балабақша қызметкерлері жөндеуге ақша сұрайды, бірақ бас жоспарға сәйкес ғимарат бұзылуға жатады. Депутатты балабақшалар үшін қандай да бір шешім бар ма, білім басқармасы тарапынан қандай іс-әрекеттер болады, ғимаратты бұзғаннан кейін балалармен және балабақша ұжымымен не болады деген сұрақ мазалайды.

Депутат Кендебай Адамбек ағымдағы жылы бірқатар мектептерде жөндеу жұмыстары жүргізілетінін айтты. Ол жыл сайын құрылыс нысандары бойынша Жол картасын әзірлеуді ұсынды. Депутаттар нысандарды аралау барысында бірнеше мектептерде құжаттар топтамасының қолданылу мерзімі аяқталатынын анықтады, түзетулерді болдырмау үшін бұл нысандарды қаржыландыру мәселесін бірінші нақтылауда қарастыру қажет. Мектептер мен балабақшаларды жөндеуге қаражат табу қажет, әйтпесе құрылыс материалдарының 30% қымбаттауына байланысты бюджеттің тиімсіз жұмсалуы мүмкін.

Отырысты қорытындылай келе, Асқар Смағұлов өткен жылдардағы тәжірибеден білім беру нысандарының бірінші проблемасы, шатырдан су өту; екіншісі – нашар гидрооқшаулау, дымқыл қабырғалар, жертөлелерін су басқаны белгілі екенін айтты. Қазіргі заманғы материалдарды пайдалану керек. Елордада ғимараттарды салу кезінде оның ерекшелігін ескеру қажет, жер асты сулары көтерілуі мүмкін. Депутаттар жаңадан енгізілген ғимараттардың бұрынғы қателіктерін ескермей салынғанына көз жеткізді, нәтижесінде жаңа мектептердің  де жертөлелерін су басқан.