Құрылыс мәселелері жөніндегі тұрақты комиссияның отырысында Астана қаласының 2025-2027 жылға арналған бюджетінің жобасын талқылау

Қалалық мәслихатта Владислав Сергеевтің төрағалығымен құрылыс, экология, көлік және тұрғын үй-коммуналдық шаруашылық мәселелері жөніндегі тұрақты комиссияның отырысы өтті.

Экономика және бюджеттік жоспарлау басқармасының басшысы Қайсар Манқараев депутаттарды ағымдағы жылдың соңына қарай экономикалық өсу серпіні, алдағы 2025 жылға күтілетін кірістер мен шығыстар туралы хабардар етті. Ол бюджеттік бағдарламалар әкімшілерінің шығындары қандай ағымдағы бағдарламалар шегінде қарастырылғанын егжей-тегжейлі баяндады. Ол сондай-ақ РБ-дан трансферттер күтілетінін айтты.

Депутат Ғабит Тәжімұратов 15-ке жуық депутаттық сауалға бір үлгідегі жауаптар жөнінде сөз сөйледі, оларға қала басқармалары тиісті қаржыландыру жағдайында мәселе шешіледі деп жауап береді.

Алтынбек Ахметов – сәулет, қала құрылысы және жер қатынастары басқармасының басшысы 002 «Елді мекендерді салудың бас жоспарларын әзірлеу» бағдарламасы бойынша қосымша қаржыландыру талап етілетінін баяндады. Ахметов басқарма қаланың бірқатар аудандарын, оның ішінде технопаркті егжей-тегжейлі жоспарлауға кіріскенін атап өтті. «Астана Жарнама» КММ-ні ұстауға да қосымша ақшалай қаражат қажет. Қалған бағдарламалар лимит шеңберінде қамтамасыз етіледі.

Құрылыс басқармасының басшысы Төлеген Құлышев алдағы қаржы жылына Денсаулық сақтау қызметкерлері үшін бірқатар ЖТК, полигондар, жатақханалар, мектептер, спорт объектілерін салуға, инженерлік желілерді жайластыруға, көлік инфрақұрылымын, жұмылдыру даярлығы объектілерін дамытуға, жұмысшы жастарға тұрғын үй сатып алуға қосымша қажеттілік туралы хабардар етті.

Комиссия төрағасы Владислав Сергеев алдыңғы отырыстардың бірінде депутаттар ескі мектептерге қосымша ғимараттар салуды барынша қолдауға келісті. Осыған байланысты қажеттілік сомасы бойынша егжей-тегжейлі ақпарат беру талап етіледі. Сондай-ақ, келесі жылдың қыркүйегінде тапсыру мерзімі жоспарланған мектептер басымды болуда.

Депутат Бауыржан Смайылов әріптестерін қолдап сөз сөйледі, мысалы, №41 мектеп бойынша жұмыстар басталды, бірақ аяқталмады. Бұл үш ауысымдық мектеп болғанымен, ата-аналар осы мәселені үнемі көтеріп отырады. Тек жайлы мектептерге назар аудару дұрыс болмайды.

Депутат Талғат Ерғалиев Агроқалашықта мектеп салу жоспарына қатысты нақтылауды сұрады.

Депутат Табигат Зейнулқабден Интернациональный тұрғын алабы бойынша сұрақ қойды, өткен жылы күзде аяқтауға уәде берілген еді, нысан ұзақ құрылысқа айналуы мүмкін деген қорқыныш бар.

Жайлы мектептерді жабдықтау мәселесін депутат Қанат Ибраев көтерді.

Мәслихат төрағасы Ерлан Каналимов депутатқа осы мәселелер сарапшылармен және басқа да мүдделі тұлғалармен талқыланатын онлайн режимде кеңеске қатысуды ұсынды. Ол ТЖД-ның 6 нысанын, қосымша құрылыстарды, барлық үлгілік мектептерді, 4 жылдан бері аяқталмаған №1 емхананы, 2 аурухананың қабылдау бөлмесін, медицина қызметкерлеріне арналған барлық жатақханаларды, Салтанатты аркасының жанындағы алаңды қайта жаңарту аясында барлығын салу мүмкін еместігін атап өтті. Басталған объектілерді аяқтамай, жаңа нысандарды салуға болмайды, депутаттар бұл туралы үнемі айтады.

Көлік және жол-көлік инфрақұрылымын дамыту басқармасының басшысы Асхат Қарағойшин қосымша қажеттілік туралы баяндады. Көшелердің бір бөлігі басталып, аяқталмаған ескі қалада көшелер салуға қосымша қажеттілік керек болады. Интернациональный, Мичурино тұрғын алаптарында да құрылысты бастау керек, Бұқар Жырау ТК жанындағы нысан аяқталмаған.

Депутат Бауыржан Смайылов жол құрылысы бойынша, әсіресе ШЫҰ отырысы мен көшпенділердің дүниежүзілік ойындарының алдында үлкен жұмыс жүргізілгенін айтты. Жаңа көпір салу жоспарлануда, осыған байланысты металл конструкцияларын өндіру мәселесін шешу қажет. Көкталдағы Аманат партиясының жол картасы пункттерінің біріне сәйкес жол салу керек.

Энергетика басқармасының басшысы Нұрлан Купешов 1-ЖЭО мен 2-ЖЭО арасында ТМ құрылысына, Абылайхан даңғылынан Кравцов көшесіне дейін ТМ 2 қайта жаңартуға, 2-ЖЭО, күл үйіндісін кеңейтуге, жаңа РП және ТП салуға, Қорғалжын трассасы бойында РП салуға, Индустриялық паркте 3 РП қайта жаңартуға, Чубарада  3 газ тарату желілерді салуға қосымша қажеттілік бар  екенін хабарлады.

Депутат Бауыржан Смайылов газдандырылмаған ЕПМ шағын ауданы бойынша мәселені көтерді. Оны депутат Ғабит Тәжімұратов қолдады, ол Тельманның тұрғын алабына да қатысты осындай сұрақ қойды.

Депутат Табигат Зейнулкабден НФС 2 және НФС 3 стратегиялық нысандары үшін тұрақтандырғыштарды орнату мәселесін қарастыруды сұрады.

Тұрғын үй және тұрғын үй инспекциясы басқармасының басшысы Әнуар Саипов мемлекеттік мұқтаждыққа алып қою үшін жоспарланған жер учаскелері бойынша ғана қосымша қажеттілік бар екенін баяндады.       

Комиссия төрағасы Владислав Сергеев осы жер учаскелері бойынша толық ақпарат беруді сұрады.

         Депутат Талғат Ерғалиев Бейсеков көшесінде көпір салу туралы ақпаратты жазбаша түрде ұсынуды сұрады.

Қоршаған ортаны қорғау және табиғатты пайдалану басқармасының басшысы Дәулет Досқұлов қосымша қажеттілікті қаржыландыру шешілетінін айтты.

Мәслихат төрағасы Ерлан Каналимов Ақбұлақ өзеніне қатысты мәселені көтерді, ол бүгінде жай ғана тазартылды, бірақ осы нысан үшін әлі де қайта жаңарту қажет.

Депутат Бауыржан Смайылов тағы да Көкталдағы қаңғыбас иттер туралы мәселені көтеріп, депутаттардың питомникке баруын ұсынды. Ол қаладан тыс жерде питомник салуға қаражат бар-жоғын сұрады. Мәселе мынада, қаңғыбас иттер қаланы айналып өтіп, адамдарға, әсіресе балаларға қауіп төндіреді.

Коммуналдық шаруашылық басқармасы басшысының орынбасары Александр Терещенко 007 «Сумен жабдықтау және су бұру жүйесін дамыту», 008 «Инженерлік-коммуникациялық инфрақұрылымды жобалау, дамыту, 010 «Нөсер кәрізін дамыту» бағдарламасын іске асыруға қосымша қажеттілік туралы хабарлады.

Депутат Табигат Зейнулкабден Астана Целиноград деп аталған кезден бері жөнделмеген Ататүрік саябағының учаскесіне назар аударуды сұрады, қазір ол нашар жағдайда.

Депутат Мәулен Самамбетов Индустриалды паркте КТС құрылысына қатысты сөз сөйледі, ол қазір Ақбұлақ өзеніне ағызылады. Экологтар кешенді Жол картасын жасайды, егер жұмыс басталмаса, кейіннен үлкен айыппұлдар төлеуге тура келеді.

Депутат Бауыржан Смайылов Аманат партиясы бағдарламасының тармақтарының орындалмауы туралы айтты. Көктал 1-де орталық кәрізге қосылмаған 20-30 көше бар. Осыған байланысты жобаны қайта есептеп, мердігерді анықтау қажет.