Құрылыс басқармасының жобаларды іске асыру барысы туралы есебі

Қалалық мәслихатта мәслихат отырысы өтті, онда Астана қаласы құрылыс басқармасының жобаларды іске асыру барысы туралы есебі тыңдалды.

Мәслихат төрағасы Ерлан Каналимов отырысты жүргізу барысында депутаттарды салынып жатқан объектілерді қаржыландырудың негізділігі, олардың сапасы қандай, объектілерді таңдаудағы басымдық қандай деген сұрақ қызықтыратынын атап өтті.

Басқарма басшысының орынбасары Дамир Абдуалиев баяндады. Ол білім беру объектілері бойынша істердің жай-күйінен бастады. Абдуалиевтің айтуынша, барлығы 17 жайлы мектепті енгізу жоспарлануда, олар оқушы орындарының тапшылығы мәселесін шешіп, үш ауысымды және тығыздалған мектептердің санын қысқартуы тиіс. Мектепке дейінгі білім беру ұйымдарының тапшылығына қатысты баяндамашы бұл мәселе әрқайсысы 300 орындық 60 мемлекеттік балабақша салу есебінен шешілетінін айтты. Сондай-ақ, ол денсаулық сақтау нысандарын, тұрғын үй нысандарын пайдалануға беру есебінен 8 МЖК іске асыру туралы айтты. Оқушылар сарайлары бойынша қаланың әр ауданында құрылыс орындары анықталды. Спорт нысандарының ішінде Қажымұқан Мұнайтпасов атындағы стадион мен «Қазақстан» спорт сарайын қайта жаңартуды аяқтау басым болып табылады. Ағымдағы жылы «Астана Арена» стадионы мен «Барыс Арена» көпфункционалды мұз сарайын қайта жаңарту аяқталды.

Депутат Асқар Смағұлов өткен отырыста денсаулық сақтау басқармасының есебін тыңдау барысында қалаға өте қажет балалар емханасын салу орны бойынша сұрақтар туындағанын айтты. Сондай-ақ, Қарағанды тас жолында медицина қызметкерлеріне арналған жатақхана салу бойынша сұрақтар бар.

Мәслихат төрағасы Ерлан Каналимовтың пікірінше, балалар емханасының ғимаратын Рысқұлов көшесіндегі балалар ауруханасының жанына орналастыру қажет.

Келесі жылы №41 мектепке қосымша құрылысты қаржыландыру туралы мәселеге депутат Бауыржан Смайылов қызығушылық танытты. Ол құрылыс басқарма басшысы орынбасарының назарын Көкталдағы аурухана құрылысының мерзімін ұзартуға аударды. 

Депутат Табигат Зейнулкабден Янушкевич көшесіндегі жаңа тұрғын үй кешеніне инженерлік желілер салумен айналысатын мердігерлердің жұмысына қатысты сын айтты. Құрылыс барысында инженерлік желілердің екпіні екі рет жіберілді. Бұл жұмысты шұғыл түрде аяқтау керек.

Депутат Ғабит Тәжімұратов Nova City ТК қатысты Ұлы дала бойынша депутаттық сауалды екі рет жібергенін атап өтті. Сұрақ – неге басқарма ресми депутаттық сауалға жауап бермейді. Депутаттың екінші сұрағы Пригородный елді мекенде жаңа мектеп салу жөніндегі басқарманың жоспарларына қатысты болды.

Депутат Владислав Сергеев алдағы жылға арналған жаңа бюджетті қарау барысында басталған және аяқталмаған жобаларға назар аударуды ұсынды. Мысалы, медициналық қызметкерлерге арналған жатақхана. Депутаттың айтуынша, қазіргі таңда қаражат жоқ болғандықтан, оқушылар сарайларының құрылысы туралы әңгіме бастау әлі ерте. Қ. Мұнайтпасов атындағы стадион мен «Қазақстан» спорт сарайын қайта жаңартуды аяқтау қажет.

Мәслихат төрағасы Ерлан Каналимов басқармалардың өтініші бойынша спорт және мәдениет дирекциялары құрылғанын айтты. Ол қараша айының басында жүргізілген жұмыс туралы мәселе бойынша оларды тыңдауды ұсынды.

Депутат Қанат Ибраев жайлы мектептер туралы айтты, оларды, әрине, мерзімінде тапсыру керек, бірақ бұл ретте ҚНжЕ талаптарын бұзуға болмайды.

Мәслихат төрағасы Ерлан Каналимов құрылыс басқармасының басшылығына депутаттарды ұсыныстар енгізе алатын сарапшылар ретінде шақыруды ұсынды. Сондай-ақ, ол жайлы мектептерді аралау барысында олардың толтырылуы әр түрлі екендігі анықталды. Жылу трассаларын жөндеуді кешіктіретін және сол арқылы қала тұрғындары мен коммуналдық қызметтерге қолайсыздық туғызатын мердігер компаниялардың жұмысына қатысты бірқатар шағымдарды айтты. Әрбір объект үшін орындарды, орындау мерзімдерін көрсете отырып, егжей-тегжейлі түсіндіру қажет.

Каналимов Қ. Мұнайтпасов атындағы стадионның тұсаукесерін өткізуді ұсынды. Сондай-ақ, депутаттарды білім беру, денсаулық сақтау, спорт және тұрғын үй нысандары, оның ішінде мемлекеттік балабақшалар қызықтырады.