Мемлекет мұқтажы үшін жер учаскелерін иеліктен шығаруға арналған шарттарды келісу

Азамат Айтхожиннің төрағалығымен заңдылық, құқық тәртібі және қоғаммен жұмыс мәселелері жөніндегі тұрақты комиссияның отырысы өтті. Депутаттар жер учаскелерін мемлекет мұқтажы үшін алып қоюға байланысты жер учаскелерін немесе өзге де жылжымайтын мүлікті иеліктен шығару туралы шарттарды келісуге қатысты мәселені қарады.

Әнуар Саипов – тұрғын үй және тұрғын үй инспекциясы басқармасының басшысы мәслихаттың тұрақты комиссиясының қарауына шығарылатын, мемлекет мұқтажы үшін алып қоюға байланысты иеліктен шығарылатын жер учаскелерінің тізбесін ұсынды. Босатылатын жер учаскелерінде құрылысы жоспарланып отырған әлеуметтік нысандардың ішінде көпсалалы қалалық аурухана, үш балабақша, әкімшілік ғимарат, саябақ бар.

Тұрақты комиссияның төрағасы Азамат Айтхожин отырыс барысында жер учаскелерінің меншік иелерімен кездесу өткізді. Тұрақты комиссияның отырысына онлайн режимде қатысу үшін өтемақы сомасымен келіскен меншік иелері шақырылды.

Тұрақты комиссияның төрағасы меншік иелеріне өтемақы сомасына келісім білдіргендіктен, мәселе кезекті сессияның қарауына шығарылатынын және ол бойынша тиісті шешім қабылданатынын хабарлады.