Астана қаласында студенттік жатахана салу

Қалалық мәслихатта «Астана қаласы әкімдігінің «Astana Polytechnic» Жоғары колледжі» ШЖҚ МКК үшін «Астана қаласында студенттік жатаханалар салу» МЖӘ жобасы бойынша мемлекеттік міндеттемелерді қабылдау туралы» мәселе бойынша мәслихат отырысы өтті.

Мәслихат төрағасы Ерлан Каналимов мәжілісті аша отырып, ағымдағы тапсырманың тақырыбы жатаханалардағы орындардың айтарлықтай жетіспеушілігіне байланысты қала үшін аса маңызды және өзекті болып табылатынын атап өтті. Депутаттар қазіргітаңда хостелдерде, пәтерлерде тұруға мәжбүр болған студенттердің қауіпсіздігін қамтамасыз ету мәселесіне алаңдайды. Сонымен қатар, бұл көбінесе кәмелетке толмаған жасөспірімдер.

Құрылыс басқармасы басшысының орынбасары Дамир Абдуалиев депутаттарға жатахананың болжалды локация, жалпы ауданы туралы баяндады. Көпқабатты ғимараттың бірінші қабатында акселерация орталығын, сегіз қабатты жатахананы орналастыру көзделеді. Абдуалиев атап өткендей, аумағы тым аз болғандықтан жатахананы бұрынғы орнына орналастыру мүмкін емес. Ол студенттерге алдын-ала сауалнама жүргізілгенін, олардың қауіпсіздікті, жайлылықты қамтамасыз ету жөніндегі ұсыныстары ғимарат салу кезінде ескерілетінін айтты. Жобаның тұжырымдамасы әр бөлмеде жуынатын бөлмелер мен душ бөлмелерін орналастыруды, сондай-ақ спорт залдың, акт залының және коворкингтің болуын қарастырады.

«BINOMEDUCATION» ЖШС МЖӘ басқармасының директоры Олег Тен өзінің жайлы мектептер салумен айналысатын инвестор екенін, білім басқармасы мен экономика басқармасы атынан тапсырыс беруші әкімдік екенін айтты.

Депутат Владислав Сергеев жоба бойынша сын айтты. Ол жобаның қаржылық моделінің мәселесін қозғап, бұған дейін депутаттар модельді ұсыну кезінде айқындық пен ашықтықтың жоқтығы туралы айтқанын атап өтті. Осыған байланысты депутаттар өздерінің ескертулері мен ұсыныстарын ескере отырып, қаржы моделін ұсынуды атап өтті. Сондай-ақ, Сергеев депутаттардың бөлмелерде екі қабатты кереуеттерді орналастыру туралы ұсынысына қатысты пікірін білдірді. Бұл ұсынысқа қолдау көрсетілмеді.  Студенттердің өтініштері бойынша желдету жүйесін жетілдіруге назар аудару керек. Депутат бұған дейін «BINOM» мектептерінің жобасын талқылау кезінде шарттың белгіленген бағасы бекітілгенін, осы жоба бойынша бағаның қымбаттамауын да көздеу керектігін айтты.  Сонымен қатар, депутат Өтешев жиһаз мүмкіндігінше отандық өндірілген болуы керек деп ұсынды, оған қоса қалада нарықты қамтамасыз ететін 200-ден астам кәсіпорын жұмыс істейді. Депутаттар бұл мәселелерді көтеруінің себебі, олар бизнестің әлеуметтік жауапкершілігінің маңыздылығын түсінеді. Владислав Сергеев жатаханаларда екі мың орынның жетіспеушілігі туралы ақпарат беруді сұрады.

Депутат Қанат Ибраев инвестор өзі жағынан  ақшалай қаражатын қанша көлемде жұмсайды деген сұрақ қойды. Сондай-ақ, ол жергілікті өндірілген жиһаз бірнеше есе арзан болатынын, нәтижесінде жобаның бағасына әсер ететінін атап өтті.

Депутат Кендебай Адамбек жалпы жобаны қолдайтынын, бірақ сұрақтар бар екенін атап өтті. МЖӘ жобаларымен айналыспас бұрын белгілі бір критерийлер сақталуы керек. Кез келген жобаның ең маңызды мақсаты - жобаны арзандату. Депутат Сергеев бұл туралы өз пікірін айтты. Екі қабатты кереуеттерді орналастыру қолайсыз. Әрине, бұл мәселені шұғыл түрде шешу керек. Депутаттың келесі сұрағы бөлмелерде бес адамнан тұратын орынға қатысты болды. Оның айтуынша, тіпті 90-шы жылдары жатаханаларда бөлмеге екі-үш адам орналастырылған.

Мәслихат төрағасы Ерлан Каналимов ұйым басшыларынан депутаттардың барлық сұрақтарын жазып, толық жауаптар беруін сұрады.

Депутат Азамат Айтқожин жатаханадағы қауіпсіздікті қамтамасыз ету мәселесі негізгі мәселелердің бірі екенін атап өтті.

Мәслихат отырысын қорытындылай келе, төраға Ерлан Каналимов жұмыс тобы екі рет жиналғанын атап өтті. Депутаттар жобаны жүзеге асыру үшін үлкен жауапкершілікті сезінеді. Каналимов депутаттардың барлық ескертулері мен ұсыныстарын ескере отырып, қаржылық жағдайдың басқа нұсқасын дайындауды ұсынды.

Елордада жатаханалар салу процесі басталды, мәслихат отырысы қарсаңында ЕҰУ - дағы жатахана корпустарының бірі ашылды. Ғимарат 7 айда салынған. Мәслихат төрағасы әр бөлмеде 2-3 кереует, жабдықталған ас үй бар екенін атап өтті. Екінші жатахана 2600 орынға салынуда. Ерлан Каналимов депутаттар жатахана салуға қарсы емес екенін, бірақ оның пікірінше, әрбір жобаға дұрыс қарау керек екенін атап өтті. Депутаттар жобаға қол қоюға жауапты. Мәслихат төрағасы инвесторға жобаға өзгерістер енгізу үшін он күндік мерзім берді. Жұмыс тобы барлық мәселелерді тағы бір рет пысықтайды, содан кейін ғана түпкілікті шешім қабылданады.