Шамамен 20-жыл бұрын Санкт-Петербургтегі Жамбыл тұйық көшесіндегі скверде ұлы қазақ ақынының қолында домбырасы бар ұлттық киімдегі төрт метрлік мүсіні ашылды

Жақын жерде су бұрқақ бар, оның тас баспалдақтарында «Ленинградтықтар, балаларым!» өлеңінің жолдары жазылған. Бүгінде Жамбыл атамыздың ескерткіші Мемлекеттік қалалық мүсін мұражайының коллекциясына және Санкт-Петербургтің монументалды шежіресіне енеді, ал оның есімі Невадағы қала тарихының бір бөлігіне айналды.

«ҚР Санкт-Петербургтегі Бас консулы Дмитрий Михномен, Қазақстаннан жоғары әскери академияларының тыңдаушыларымен, диаспора өкілдерімен, сондай-ақ студенттермен бірге атақты жерлестеріміз Жамбыл Жабаев атамыз бен Әлия Молдағұлованың ескерткіштеріне гүл шоқтарын қойдық» - деп атап өтті Астана қаласы мәслихатының төрағасы Ерлан Каналимов. Сондай-ақ, Әлия Молдағұлованың №140 мектепте орналасқан мемориалдық мұражайына барып, қазақ халқының ұлы қызын бір минут үнсіздікпен еске алды.