Елорда мәслихаты мен қоғамдық бірлестік арасындағы меморандумға қол қою

Қалалық мәслихатта Астана қаласының мәслихаты мен «Жаңару «Сыбайлас жемқорлыққа қарсы жалпыұлттық қозғалыс» республикалық қоғамдық бірлестігі арасындағы ынтымақтастық туралы Меморандумға қол қою рәсімі өтті.

Қоғамдық қозғалысты – мемлекет және қоғам қайраткері Оралбай Әбдікәрімов, «Жаңару» Сыбайлас жемқорлыққа қарсы жалпыұлттық қозғалыс» РҚБ құрметті төрағасы; Мэлс Семгалиев, «Жаңару» Сыбайлас жемқорлыққа қарсы жалпыұлттық қозғалыс» РҚБ кеңесінің төрағасы; Дәулеткерей Рахметуллин, «Жаңару» Сыбайлас жемқорлыққа қарсы жалпыұлттық қозғалыс» РҚБ төрағасының орынбасары – Астана қалалық филиалының директоры; Бейбіт Мамраев, қазақстандық қоғам және саяси қайраткері, «Жаңару» Сыбайлас жемқорлыққа қарсы жалпыұлттық қозғалыс» РҚБ төрағасының орынбасары; Қабдолла Әлиев, «Жаңару» Сыбайлас жемқорлыққа қарсы жалпыұлттық қозғалыс» РҚБ Орталық аппаратының басшысы ұсынды.

Қол қою рәсімін мәслихат төрағасы Ерлан Каналимов ашты. Ол Меморандумға қол қою рәсіміне қатысқан мәслихат депутаттарын таныстырды.

Тараптар сыбайлас жемқорлыққа қарсы күрес мәселелері бойынша өзара ынтымақтастықтың бірқатар бағыттарын айқындап, ағымдағы жылға арналған бірлескен іс-шаралар жоспарын әзірледі. Жоспарға сәйкес бірқатар іс-шаралар өтеді, онда қатысушыларға өзара қызығушылық тудыратын ақпарат, сыбайлас жемқорлыққа қарсы мәдениет пен халықтың мінез-құлқын қалыптастыруға бағытталған бірлескен жарияланымдар дайындау, сыбайлас жемқорлық көріністеріне нөлдік төзімділікті қалыптастыру туралы пікір алмасу мүмкіндігі беріледі.

Іс-шараға қатысушыларды құттықтай отырып, Оралбай Әбдікәрімов қоғамдық қозғалыс құрылғанына 11 жылдай уақыт өткенін айтты. Ол қоғамдық ұйымның алдында қоғамда сыбайлас жемқорлыққа қарсы сананы қалыптастыру, қоғамдық бақылауды құру мәселелерінде қалың жұртшылықты шоғырландыру міндеті тұрғанын атап өтті. Бірнеше рет қоғамдық ұйым нормативтік құқықтық актілерге өзгерістер мен толықтырулар енгізу туралы ұсыныстар жасады.

Сөз соңында Оралбай Әбдікәрімов мәслихат пен Астана қаласының әкімдігіне алғысын білдірді, олар сөзбен емес, іс жүзінде ақпараттық ашықтық қағидатын ұстанады.