Елорда әкімдігінің қабырғасында Астана қаласының әкімі Жеңіс Қасымбек пен ҚХА орынбасары Ғалымжан Маханның қатысуымен кеңес өтті

Онда Мемлекет басшысының Қазақстан халқы Ассамблеясының 33 сессиясында қойған міндеттерін іске асыруды талқыладық. Бірнеше күн бұрын қалалық ҚХА Кеңесі ЕҰУ-нің профессоры Әміржан Әлпейісов және «Возрождение» немістер қоғамының төрағасы Александр Кайлды жаңа орынбасарлары ретінде таңдады.

Бүгінде елордамыз-қарқынды дамып келе жатқан қала.

«Астанада 70-тен астам этностар мен этникалық топтардың атынан 1,5 миллионға жуық адам тұрады. Су тасқыны кезінде Достық үйінің базасында зардап шеккен аймақтарға көмек көрсететін республикалық штаб ашылды. Қалалық этномәдени бірлестіктер 45 миллион теңгеден астам сомаға көмек көрсетті», - деп атап өтті Астана қаласы мәслихатының төрағасы Ерлан Каналимов.