Мемлекет мұқтажы үшін жер учаскелерін алып қою

Қалалық мәслихатта Азамат Айтхожиннің төрағалығымен заңдылық, құқық тәртібі және жұртшылықпен жұмыс мәселелері жөніндегі тұрақты комиссияның отырысы өтті.

Мемлекет мұқтажы үшін жер учаскелерін алып қоюға байланысты жер учаскелерін немесе өзге де жылжымайтын мүлікті иеліктен шығару шеңберінде шарттарды келісу туралы мәселе қаралды.

Әнуар Саипов – тұрғын үй және тұрғын үй инспекциясы басқармасының басшысы, мәслихаттың тұрақты комиссиясының қарауына шығарылатын, мемлекет мұқтажы үшін алып қоюға байланысты иеліктен шығарылатын жер учаскелерінің тізбесін ұсынды.

Тізімге 13 әлеуметтік нысан – қоғамдық кеңістік, көшелер, дарынды балаларға арналған мектеп, бұрынғы аудиторлық палатаның ғимараты кірді.

Регламент бойынша отырыс шеңберінде меншік иелерімен және олардың өкілдерімен онлайн режимінде кездесу өтті.

Тұрақты комиссияның төрағасы Азамат Айтхожин меншік иелеріне жүгінді және олар өтемақы сомасымен келіскендерін білдіргендіктен, мәселе кезекті сессияда қаралады және ол бойынша тиісті шешім қабылданатын болады деп мәлімдеді. Алдыңғы отырыстан бір меншік иесіне қатысты шешім келесідей, қосымша сараптама жүргізу үшін тәуелсіз сарапшылар шақырылады.

Мәслихат төрағасы Ерлан Каналимов бұл рәсім қабылданған шешімнің дұрыстығына қатысты мәселелерді болдырмау мақсатында жүргізіліп жатқанын атап өтті.