Қаланың жаңа ауданын құру мәселесі бойынша кезектен тыс сессия

Қалалық мәслихатта Ерлан Каналимовтың төрағалығымен Астана қаласының жаңа ауданын құру мәселесі бойынша кезектен тыс сессия өтті.

Астана қаласы әкімінің бірінші орынбасары Нурлан Нуркенов сөз сөйлеп, Алматы ауданын бөлу жолымен жаңа әкімшілік аудан құру туралы шешімнің негіздемесін баяндады. Бұл шешім көрсетілетін қызметтердің сапасын қамтамасыз ету және жаңа аумақтарды теңгерімді дамыту мақсатында қабылданды. Спикердің айтуынша, халық санының өсуі және аумақтың қала құрылысы инфрақұрылымының белсенді дамуы ескерілген. Ауданның солтүстік бөлігі өзінің тарихи атауын сақтайды, оңтүстік бөлігі жаңа атау алады. Екі аудан арасындағы шекара Арқар көпірінен өтіп, Сарайшық көшесінің бойымен және Р. Қошарбаев даңғылымен теміржол желісімен қиылысу нүктесіне дейін жалғасады, одан әрі шекара темір жол бойымен оңтүстік-шығысқа қарай қала шекарасына дейін бағытталады.

Қала әкімінің бірінші орынбасары солтүстік және оңтүстік бөліктерінің ауданы, мектептер мен мектепке дейінгі мекемелердің саны, тұрғын үй қоры және халық саны бойынша статистикалық деректерді ұсынды.

Депутаттар Астана қаласының жаңа ауданын құру туралы шешімді бірауыздан қолдады.