Мемлекет мұқтажы үшін жер учаскелерін алып қою

Қалалық мәслихатта Азамат Айтхожиннің төрағалығымен заңдылық, құқық тәртібі және жұртшылықпен жұмыс мәселелері жөніндегі тұрақты комиссияның отырысы өтті.

Комиссия отырысының күн тәртібінде жер учаскелерін мемлекет мұқтажы үшін алып қоюға байланысты жер учаскелерін немесе өзге де жылжымайтын мүлікті иеліктен шығару шарттарын келісу туралы мәселе қаралды.

Тұрғын үй және тұрғын үй инспекциясы басқармасының басшысы Әнуар Саипов мәслихаттың тұрақты комиссиясында қаралатын мемлекет мұқтажы үшін алып қоюға байланысты иеліктен шығарылатын жер учаскелерінің тізбесін ұсынды.

Тұрақты комиссия отырысының жұмысына өтемақы сомасымен келісетін жер учаскелерінің меншік иелері онлайн режимде қатысты.

Тұрақты комиссияның төрағасы Азамат Айтхожин отырыс барысында жер учаскелерінің меншік иелерімен сұхбаттасып, оларға мәселе мәслихат сессиясының қарауына шығарылатынын және ол бойынша тиісті шешім қабылданатынын мәлімдеді.