Құрметті елорда тұрғындары мен қонақтары!
31.12.2023
Сіздерді келе жатқан Жаңа жыл мерекесімен шын жүректен құттықтаймын!
Жақсы қалыптасқан дәстүр бойынша жаңа жыл мерекесін біз өткен жылды қорытындылау және жаңа істер мен бастамалар үшін тірек нүкте деп санаймыз. Бұл еліміздің барлық тұрғындары үшін ең жарқын және сүйікті мереке. Оны әркім ерекше көңіл-күймен күтеді және ең қастерлі тілектерінің орындалуын үміттенеді.
Өткен жыл шығармашылық еңбекке, маңызды істер мен жетістіктерге толы болды, қаламыздың игілігі үшін перспективалық жоспарлар іске асырылды, осы жетістіктердің барлығы сіздермен бірлесіп жасаған ортақ жұмысымыздың нәтижесі.
Жаңа жыл сіздер үшін сенімді даму, тұрақтылық пен келісім жылы, қолайлы өзгерістердің, табысты істердің жалғасы болсын және оның әрбір күні пайдалы болуға тілектеспін.
Біздің ортақ үйімізге, қымбатты астанамызға, өркендеу мен амандық тілеймін!
Қымбатты тұрғындар мен елорда қонақтары сіздерге зор денсаулық, бақыт пен амандық, бейбітшілік пен жақсылық тілеймін!
Құрметпен,
Астана қаласы
мәслихатының төрағасы Е. Каналимов