Мемлекет мұқтажы үшін жер учаскелерін иеліктен шығару
12.12.2023
Азамат Айтхожиннің төрағалығымен заңдылық, құқық тәртібі және жұртшылықпен жұмыс мәселелері жөніндегі тұрақты комиссияның отырысы өтті.
Депутаттар жер учаскелерін мемлекет мұқтажы үшін алып қоюға байланысты жер учаскелерін немесе өзге де жылжымайтын мүлікті иеліктен шығару шарттарын келісу туралы мәселені қарады.
Тұрғын үй және тұрғын үй инспекциясы басқармасы басшысының орынбасары Дархан Құлбаев мәслихаттың тұрақты комиссиясының қарауына ұсынылатын, мемлекет мұқтажы үшін алып қоюға байланысты иеліктен шығарылатын жер учаскелерінің тізбесін ұсынды.
Тізбеге газ тарату желілері, Тәуелсіздік даңғылы - Шарль де Голль қиылысындағы кіріктірілген паркингтері бар КТҮК, әкімшілік ғимарат, көпсалалы қалалық аурухана, бірқатар көшелер, мектеп сияқты әлеуметтік нысандар кірді.
Тұрақты комиссияның төрағасы Азамат Айтхожин өтемақы сомасымен келіскен, отырысқа онлайн режимінде қатысуға шақырылған меншік иелеріне өтемақы сомасымен келіскендіктен, мәселе кезекті сессияның қарауына шығарылатынын және ол бойынша тиісті шешім қабылданатынын хабарлады.