«Елорда құрылыс компаниясы» ЖШС атқарған жұмысы туралы есеп

Қалалық мәслихатта Владислав Сергеевтің төрағалығымен құрылыс, экология, көлік және тұрғын үй-коммуналдық шаруашылық мәселелері жөніндегі тұрақты комиссияның отырысы өтті.

«Елорда құрылыс компаниясы» ЖШС атқарған жұмыстары туралы Бас директор Рүстем Тәуекелов баяндама жасады. Ол ЖШС құрудың мақсаты проблемалық объектілердің құрылысын аяқтау болып табылатынын атап өтті. Бас директор құрылыстарды аяқтау жоспарларымен бөлісті, салынып жатқан объектілердің тізімін ұсынды. Сондай-ақ, ол компанияның жосықсыз құрылыс салушыларға қатысты іс-әрекеттері, дебиторлық берешекті қайтару, құрылыс-монтаждау жұмыстарының барысын бақылауды күшейту бойынша жұмыстар туралы хабардар етті. Үлестік құрылыс саласындағы қызметті регламенттеу мақсатында компания Тұрғын үй-коммуналдық инфрақұрылымды дамыту тұжырымдамасына өзгерістер енгізуді ұсынды. Бас директор өз баяндамасында бұрын проблемалық объектілерді пайдалануға беру мерзімдерінің кешіктірілуіне елеулі түрде әсер еткен құрылысты қаржыландыру бөлігіндегі проблемалық мәселелерді атап өтті.

Депутат Талғат Ерғалиев «Хазар» ТК жағдайына қатысты сұрақ қойды, неге пайдалануға беру мерзімі кешіктірілуде. Компания Ұлттық қордың қаражатын қалай қайтаруды жоспарлап отыр, бұл жағдай әкімшіліктің нашар болуына, әлде заңнаманың жетілмегендігіне байланысты ма. Компанияның қарызды қандай көздер есебінен қайтаратыны туралы нақты көзқарасы бар ма. Депутаттар проблемалық мәселелерді шешуге қалай көмектесе алады.

Депутаттар «Жеті жол» ТК, «Триумф Есіл» ТК проблемаларына, «Болашақ баспана» ҚБ айналасындағы жағдайға, прокурорлық тексеру нәтижелері мен «Елорда құрылыс компаниясы» басшылығының жаңалықтарына қатысты мәселелерді қозғады.

Тұрақты комиссияның төрағасы Владислав Сергеев депутаттар көтерген барлық мәселелер бойынша мәслихатқа ақпарат беруді сұрады.

Депутат Бауыржан Смайылов жосықсыз құрылыс салушылармен проблемалар жалғасуы мүмкін екенін атап өтті. Қалада проблемалық объектілердің жаңа толқыны басталуы мүмкін. Осыған байланысты компанияның осы мәселені шешу жоспарлары бар ма деген сұрақ туындады.

Отырысты қорытындылай келе, Владислав Сергеев проблемалық объектілер мәселесі заңнамаға өзгерістер енгізілгеннен кейін әлі де талқыланатынын айтты.