Құқық қорғау органдарының мәслихат шешімін орындау барысы туралы
11.10.2023
Қалалық мәслихатта Азамат Айтхожиннің төрағалығымен Астана қаласы мәслихатының заңдылық, құқық тәртібі және жұртшылықпен жұмыс мәселелері жөніндегі тұрақты комиссиясының отырысы өтті.
«Астана қаласы мәслихатының 2022 жылғы 30 қыркүйектегі «Құқық қорғау органдарының қауіпсіздікті қамтамасыз ету бойынша жұмысының жай-күйі туралы» шешімінің орындалу барысы туралы бірінші болып Астана қаласы полиция департаменті бастығының бірінші орынбасары Дәурен Қазбеков баяндады. Ол қоғамдық тәртіпті нығайту және көше қылмысын азайту бойынша шаралар қабылданып жатқанын хабарлады. Жыл басынан бері 479 патрульдеу бағыты бойынша 89 түзету енгізілген.
Ағымдағы жылдың өткен кезеңінде бейнебақылау жүйелерінің көмегімен 2556 қылмыс, 22077 әкімшілік құқық бұзушылық, оның ішінде 4814 ЖЖЕ бұзушылық анықталды. ІІМ ӘПК-не 2023 жылғы 30 тамыздан бастап ресми түрде қолданысқа енгізілген «жеке ұтқырлық құралы» ұғымын «Жол жүрісі туралы» ҚР Заңына және Жол қозғалысы ережесіне енгізе отырып, заңнамалық реттеу туралы ұсыныс жіберілді. Пилоттық режимде тұрмыстық зорлық-зомбылық тәуекелдерін бағалаудың халықаралық құралы енгізіліп, «Ойын-сауық мекемелерінің қауіпсіздік рейтингі» ақпараттық сервисінің жұмысы іске қосылды. Полиция департаменті азаматтарды қоғамдық тәртіпті қамтамасыз ету жөніндегі іс-шараларға тарту бойынша жұмыс жүргізуде, барлығы 715 азамат тартылды. Сөзін қорытындылай келе, Қазбеков есепті кезеңде бейнебақылау жүйелерінің көмегімен 2556 қылмыс, 22077 әкімшілік құқық бұзушылық, оның ішінде 4814 ЖЖЕ бұзушылық анықталғанын хабарлады.
Астана қаласы әкімі аппаратының құқық қорғау органдарымен және терроризмге қарсы комиссиялармен жұмыс бөлімінің басшысы Темірлан Қалиақбаров «Сарыарқа» ауданы Полиция басқармасының полиция бөліміне әкімшілік ғимарат бөлу мәселесі жөнінде баяндады. Уақытша бейімдеу және детоксикация қосымша бөлімшесін ашу, Патрульдік полиция полкі мен сол жағалаудағы Арнайы жедел әрекет ету жасағы үшін ғимараттарды жобалау, салу немесе сатып алу мәселелері қаланың проблемалар картасының міндеттерін шешу жөніндегі бекітілген Операциялық жоспарға енгізілген.
Депутат Нұрлан Өтешов «мәлімдемеден анықтауға» қағидаты жөнінде өз пікірін білдірді, блогерлер синтетикалық есірткілерді сату сайттарына сілтемелері бар жазбаларды жоюға бір аптаға жуық уақыт кететіні туралы материалдар жариялаған, яғни мәлімделген қағидат сақталмайды. Осыған байланысты, сайттарға сілтеме жасайтын жазбаларды жою мерзімін қысқарту үшін полиция қандай шаралар қолдануда.
Депутат Владислав Сергеев бір сағат бұрын цифрландыру басқармасы қызметінің есебі бойынша отырыс өткенін хабарлады. Әкімдік өкіліне автотұрақтарға қатысты сұрақ қойылды, адамдар көліктерін жиі тиісті емес жерлерге қояды. Депутаттың пікірінше, тұрақ кеңістіктерінің жанында камералардың болуы қажеттілігін анықтау керек. Бұл мысалы, «Сарыарқа» СОО маңында туындайтын жағдайларды болдырмауға көмектеседі, онда полиция қызметкерлері көліктерін көлік қоюға арналмаған жерлерде қоюшылармен мәселені қол режимінде реттеуге мәжбүр.
Мәслихат төрағасы Ерлан Каналимов полиция пункттерінің жұмысы, полицияны материалдық-техникалық қамтамасыз ету бойынша көптеген мәселелерді атап өтті. ПД проблемалық мәселелер туралы уақтылы баяндап отыруы өте маңызды. Алдын алу мақсатында ақпараттық жұмысты күшейту қажет. Көппәтерлі тұрғын үй кешендері аулаларындағы бейнекамералар ЖБО-на қосылмаған, нәтижесінде пәтер ұрлықтары әрдайым тез ашыла бермейді. Қазір мектептерде мектеп инспекторлары жұмыс істемейді және бұл дұрыс емес, өйткені мектепте 2 мыңнан астам бала оқиды. Депутаттар білім беру объектілерін аралау барысында олардың ЖБО-на қосылмағанын, бейнекамералардан тыс көптеген учаскелердің қалып қойғанын анықтады. Каналимов полицияның мобильді пункттеріне қатысты сұрақ қойды, осы пункттерді құру тиімділігі бар ма, талдау қажет. Пандемия кезінде қаланың кіреберістерінде полиция бекеттері болды, депутаттар осы бекеттердің қызметін қайта бастау керек деп санайды. Сондай-ақ, Каналимов «Динамо» спорт кешенін жөндеу жұмыстарының ұзаққа созылуы мәселесін айтып өтті.
Комиссия төрағасы Азамат Айтхожин Есірткіге қарсы күрес басқармасында 30 адам жұмыс істейтінін, штат санын көбейту қажеттігін атап өтті. Мектептерде де инспекторлар қажет, өйткені жасөспірімдер арасындағы қылмыс көбейіп келеді. Отырысты қорытындылай келе, төраға депутаттардың ұсыныстары мен ескертулері тұрақты комиссияның қаулысына енгізілетінін мәлімдеді.