Мерейтой иелерін, денсаулық сақтау жүйесінің ардагерлерін құттықтау
02.10.2023
Қалалық мәслихатта Астана қаласы мәслихатының II, III, IV сайланым депутаттары болған, денсаулық сақтау жүйесі мен банк жүйесінің ардагерлері, мерейтой иелерін құттықтау шарасы өткізілді.
Мәслихат төрағасы Ерлан Каналимов мерейтой иелері - ҚР Денсаулық сақтау ісінің үздігі, III сайланым депутаты Гүлжан Ғазизқызы Бейбытованы 75 жылдық мерейтойымен, II және III сайланым депутаты, «Темірбанк» АҚ филиалының директоры, Іскер әйелдер клубының президенті Сақып Асқарқызы Мұқанованы 75 жылдық мерейтойымен және ҚР Денсаулық сақтау ісінің үздігі, II, III, IV сайланым депутаты Надежда Михайловна Петухованы 70 жылдық мерейтойымен құттықтады.
Каналимов аталған мерейтой иелерінің жергілікті өкілді органның дамуына айтарлықтай үлес қоса отырып, өз кәсіби салаларында да үлгілі қызмет еткендерін және сәйкесінше, денсаулық сақтау жүйесі мен банк жүйесінде өздерін құзыретті басшы ретінде көрсете білгендерін атап өтті.
Мерейтой иелерінің зор еңбегі мен кәсіби қызметтегі жетістіктері ескеріліп, мемлекеттік наградалармен марапатталған.
Ерлан Каналимов жергілікті билік деңгейіндегі жұмыс өте күрделі және жауапты қызмет екенін атап өтті. Азаматтардың күнделікті мәселелерін шешу сапасы көбіне депутаттарға байланысты. Аталған тұлғалар өздерінің білімдері мен тәжірибелерін адамдардың игілігі үшін қолдана отырып, депутат ретінде қаланың дамуына өз үлестерін қосты. Құзыреттілік, өмірлік және кәсіби тәжірибе арқасында олар жүктелген барлық міндеттерді абыроймен атқарды.
Мерейтой иелерін саяси қайраткер, Астана қаласының құрметті азаматы, екі сайланымдағы мәслихат хатшысы Владимир Николаевич Редкокашин, қоғамдық және саяси қайраткер, Астана қаласының құрметті азаматы, бесінші сайланымдағы мәслихат хатшысы Сансызбай Сейітжанұлы Есілов, қоғамдық денсаулық сақтау басқармасының басшысы Әлия Рүстемова құттықтап келді.
Өз тәлімгерлерін шәкірттерінің атынан үш мәрте мәслихат депутаты| Алтыншаш Табулдина, екі мәрте депутат Динара Байсеркина құттықтады.
Құттықтау рәсімінің соңында мерейтой иелері сөз алып, ризашылықтарын білдірді.