Мемлекет мұқтажы үшін жер учаскелерін алып қою мәселесі туралы

Қалалық мәслихатта Азамат Айтхожиннің төрағалығымен заңдылық, құқық тәртібі және жұртшылықпен жұмыс мәселелері жөніндегі тұрақты комиссияның отырысы өтті.

Отырыстың күн тәртібінде мемлекет мұқтажы үшін алып қоюға байланысты жер учаскелерін немесе өзге де жылжымайтын мүлікті иеліктен шығару шарттарын келісу туралы мәселе қаралды.

Тұрғын үй және тұрғын үй инспекциясы басқармасының басшысы Әнуар Саитов мәслихаттың тұрақты комиссиясының қарауына шығарылатын, мемлекет мұқтажы үшін алып қоюға байланысты иеліктен шығарылатын жер учаскелерінің тізбесін ұсынды.

Тізбеге әлеуметтік нысандар - бірқатар көшелер, көппәтерлі тұрғын үй кешені, кіші айналма жолдың бірнеше учаскелері кірді.

Әнуар Саипов депутаттарға жер учаскелерінің меншік иелерімен жеке жұмыс жүргізілгенін, өтемақы сомасымен келіскен барлық меншік иелері тұрақты комиссияның отырысына онлайн режимінде қатысуға шақырылғанын хабарлады.

Тұрақты комиссия отырысын қорытындылай келе, Азамат Айтхожин отырыстың күн тәртібіне шығарылған мәселе кезектен тыс сессияда қаралатынын және ол бойынша тиісті шешім қабылданатынын айтты.