Бүгінгі Президент Қ-Ж.Тоқаевтың халыққа жолдауын, шынын айту керек, күтіп жүр едім
15.09.2023
Ұмытпасам, Кереку өңіріндегі бір кездесуінде экономистермен кездестім, ойларымызбен бөлістік, жолдауда бағдарын жеткізем дегентін.
“Әділетті Қазақстанның экономикалық бағдары” атымен Парламенттегі мемлекет басшысының жолдауы ең біріншіден халықтың өмірінің сапасының артуына арналған.
Екіншіден, саяси реформалардан экономикалық өзгерістер қалмауы керек деп Президент нақтылады.
Үшіншіден, тапсырмалар мен шаралар негізінен үш жылда орындалу керек.
«Аманат» партиясының мүшесі, партиялық тізімнен сайланған депутат ретінде сайлауалды бағдарламамызды орындауға арналған жол картасын жолдаумен үндестігін де байқадым..
Корытқаным: біздің партия Президентті қолдаушы негізгі күш, тірек те серік.
Астана қаласы мәслихатының бюджет, экономика, өнеркәсіп және кәсіпкерлік мәселелері бойынша тұрақты комиссияның төрағасы ретінде біздің жолдауды орындаудағы өз орнымыз бен үлесімізді дұрыс табу мені ойландырады…
Президент айтқандай, бюджетті басқарудан нәтижелі басқаруға өтетін кез келді.
Қарашада бекітілетін Бюджет кодексінен үмітіміз зор. Ол құжатқа депутаттар да өз ұсыныстарын берген еді.
Экономика саласында макроэкономиканы реттемей, инвестиция тартпай, оңбайтынымыз айқын. Бұл мәселеге бе біз атсалысамыз.
Туризм, кіші және орта бизнесті қолдау мәселері өзекті.
Өнеркәсіпте шикізат емес, терең өңдеуге Президенттің назар аударғаны қуантты.
Біздің тұрақты комиссия депутаттары Астана қаласы әкімшілігімен бірге жолдауды орындауға сүбәлі үлес қосатынына кәміл сенемін.
Аманат халықпен бірге!
Алға қазақ елі!
Кендебай Адамбеков,
Астана қаласы мәслихатының VIII сайланымының депутаты