Құрметті елорда тұрғындары мен қала қонақтары!

Сіздерді Астананың 25 жылдық мерейтойымен шын жүректен құттықтаймын! Сәулеті мен сәні айшықталып, айбыны асқақтаған Елорда бүгінгі күні еліміздің бойтұмарына айналды. Тұрақты дамудың, өсу мен өркендеудің даңғыл жолына түсті.

25 жыл ішінде еліміздің бас қаласы – Астана төрткүл дүниені түгел тамсандырған тарихи құбылысқа айналғаны ақиқат. Арқа төсіндегі сәні мен салтанаты жарасқан елорда бүгін де озық идеяларды, жаңа ғылыми шешімдер мен сәулет өнерінің озық үлгілерін өмірге әкелетін орталық.

Астана – Сарыарқа төсіндегі XXI ғасыр ғажайыбы. Бас қаламыздың қалыптасуы және Еуразияның маңызды даму орталықтарының қатарына қосылуы – баршамыздың ортақ мақтанышымыз.

Соңғы ширек ғасырда қала деңгейінде қыруар жұмыс атқарылды. Мұны ел-жұрт көріп-біліп отыр. Алда әлі атқарылатын шаруа да аз емес.

Еліміз үшін маңызды белес - аяулы Астанамыздың  25 жылдығымен құттықтай отырып, отбасыларыңызға бақыт пен ырыс-береке тілеймін. Отанымыздың жүрегі – Астана мәңгі жасай берсін! Тәуелсіздігіміздің тұғыры биік болсын!

Астана қаласы мәслихатының төрағасы
Е.Каналимов