Елордада спорт ғимараттарын салу

Асқар Смағұловтың төрағалығымен әлеуметтік-мәдени даму мәселелері жөніндегі тұрақты комиссияның дене шынықтыру-сауықтыру кешендері, Қ. Мұңайтпасов атындағы стадион, «Қазақстан» спорт сарайы құрылыстары мәселесіне қатысты отырысы өтті.

Дене шынықтыру және спорт басқармасы басшысының міндетін атқарушы Еркеғали Корбозов қалада күніне жеті мыңнан астам адам айналысатын 106 спорт ғимараты бар екенін хабарлады. Қаланың шеткі аймақтарында спортпен шұғылдануға қолжетімділікті қамтамасыз ету үшін 2012 жылы төрт дене шынықтыру-сауықтыру кешенінің (ДШСК) құрылысы жоспарланған болатын. Олардың екеуі пайдалануға беріліп, екеуі ағымдағы жылы тапсырылады деп жоспарлануда. Қ. Мұнайтпасов атындағы стадионға қатысты, Корбозов жобалық жұмыстың басталғанын баяндады. Стадионның сыйымдылығы - 4,5 мың адам және оның қабырғасында халықаралық жарыстар өткізу жоспарлануда. Сондай-ақ, қалада «Қазақстан» спорт сарайын қайта құру жоспарланған, бірақ белгілі бір қиындықтар бар.

Құрылыс басқармасы басшысының орынбасары Дамир Абдуалиев спорт объектілерінің құрылысы бойынша ағымдағы жағдай туралы баяндады. Ильинка мен Железнодорожный тұрғын алаптарындағы дене шынықтыру-сауықтыру кешендерінде құрылыс жұмыстары толық көлемде жүргізіліп жатқанын және ағымдағы жылдың шілде айында аяқталуы жоспарланып отырғанын атап өтті. Қ. Мұңайтпасов атындағы стадионға қатысты жағдай бойынша Абдуалиев, 2020 жылы техникалық тексеру жүргізілгенін айтты. Бүгінгі таңда жаңа объектіні жобалау жүргізілуде, қараша айында сараптаманың оң қорытындысы күтілуде. Төртінші нақтылау барысында құрылыс-монтаж жұмыстарын жүргізуге конкурс жариялау үшін қаржыландыруды келісу көзделеді. «Қазақстан» спорт сарайының құрылысы бойынша жағдай анағұрлым күрделі, себебі сараптама нәтижелерін алу процесінің кешіктірілуі себебінен мердігермен шартты бұзу жоспарлануда. Нәтижесінде жобаның құны өсті.

Депутат Азамат Айтхожин спорт объектілерінің құрылысына қатысты сын айтты, депутаттың пікірінше олар спорт ғимаратының талаптарына сәйкес келмейді, өйткені әртүрлі спорт түрлерімен айналысуға мүмкіндік жоқ. Депутат болашақта жобаны дайындау кезінде кәсіби спортшылармен де кеңесуді ұсынды. Қ. Мұнайтпасов атындағы стадион бойынша депутат жүгіру жолдарының қарастырылғанын нақтылауды сұрады. Сондай-ақ, депутат «Қазақстан» спорт сарайының құрылысы бойынша мердігердің өкілінен олармен шарттың бұзылатыны туралы хабарлардығы туралы сұрады. Мердігерге сұрақ, егер компания келісімшарт бойынша жұмысын жалғастырғысы келсе, ол құрылысқа кімді тартады?

Отырыс төрағасы Асқар Смағұлов бұл жағдайға мемлекеттік әріптес те кінәлі деп ойлайтынын, өйткені ол жеке әріптесінің қаржылық жағдайы туралы анықтап алуы тиіс екенін атап өтті.

Депутат Бауыржан Смайылов Көктал-1 т/а ДШСК салу жоспарлары мен объектіні салу мерзімдеріне қатысты сұрақ қойды. Депутат ДШСК жобасымен таныстыруды сұрады, кешенде бассейн және басқа да қажетті залдар болуы туралы ұсыныстар бар. Смайылов Көктал-2 т/а салынған ДШСК қатысты айтылған сынды дұрыс деп санайды, өйткені ондағы көптеген үй-жайлар пайдаланылмайды.

Асқар Смағұлов Қ. Мұнайтпасов атындағы стадион жобасын зерттеуді ұсынды, өйткені өтелу мүмкіндігі бар-жоғын, объектіні күтіп-ұстау қалай жүргізілетінін түсіну қажет. Жоба сараптамадан өтуі керек, бірақ оны алдын ала депутаттармен қарастырып, қоғамдық тыңдаулар өткізу керек.

Депутат Давид Лория комиссия төрағасының стадион жобасын зерттеу жөніндегі ұсынысын қолдады, өйткені күн сайын өсіп келе жатқан мегаполис үшін 4,5 мың адам сыйымдылығы тым аз. Бұл қала тұрғындары 10 жыл күткен әлеуметтік нысан. Жарықтандыру, алаң, жылыту, стадионның айналасында не болады – осының бәрі қазір шешілуі тиіс мәселелер. Қазір, егер «Барыс Арена» жөндеу жұмыстарына жабылатын болса, спортшылар мен балалар үшін жаттығатын орын болмайды.

Депутат Азамат Айтхожин салынған ДШСК-ді сынға алды, өйткені оның пікірінше, ДШСК айналасындағы үлкен аумақ ұтымды пайдаланылмай отыр, шағын дүкендердің орнына балаларға арналған шағын стадиондар салу керек.

Депутат Алтыншаш Табулдина АртСпорт жобасы аясында жеке мердігер шағын спорт кешенін салғанын, олардың айтуынша ол 2 мыңға дейін баланы қамтитынын, ал бюджеттен ақшалай қаражат бөлінетін қалалық ДШСК 700 баланы ғана қамтитынын атап өтті. Бұл не үшін салынғаны түсініксіз, мағынасыз спорт ғимараттары. Ғимаратта үй-жайларды толтыру үшін ХҚКО, полиция пункті, зейнеткерлер ұйымдары орналастырылған. Бірақ спорт кешені ретінде ол өз функциясын толық орындамай отыр, сондықтан депутаттар үшін жаңа спорт объектілері өз функцияларын орындай алатынын білу маңызды.

Депутат Талғат Ерғалиев атап өткендей, спорт ғимараттары қалаға, оның ішінде Агроқалашықта өте қажет, ол қала үшін нағыз тарихи орын болып табылады, 70 мың тұрғыны бар.

Депутат Сәуле Самидин Тельман т/а да осындай проблема бар екенін, онда бірде-бір дене шынықтыру-спорт ғимараты жоқ екенін айтты, қала осы тұрғын алап бағытында өсіп келеді. Бас жоспарда мұны ескеру қажет.

Тұрақты комиссияның төрағасы Асқар Смағұлов Өндіріс т/а ДШСК сапасыз салынғанын, оның пайдалануға берілгеніне жыл өтпесе де, қазірдің өзінде шатырмен проблема туындағанын атап өтті. Сондықтан жаңа салынатын ДШСК құрылысына қатаң назар аударылатын болады. Толтыру мәселесіне келсек. Смағұлов ДШСК барып көрген кезде екі баланың ғана айналысып жүргенін айтты. Бұл, ең алдымен, мемлекеттік органдардың шала жұмысы болып табылады. Жобамен кім айналысқан, бұл құрылысты кім қабылдап алған деген сұрақтар туындайды. Жаңа ДШСК салу кезінде бұл жағдайдың қайталануына жол бермеу керек.