Елорданың атқарушы органдары қызметінің негізгі мәселелері мен бағыттары туралы

Қалалық мәслихатта Нұрлан Көпешовтың төрағалығымен бюджет, экономика, өнеркәсіп және кәсіпкерлік мәселелері жөніндегі тұрақты комиссияның отырысы өтті.

Қала аудандарының әкімдері сөз сөйлеп, санитарлық тазалауды, көшелерді жарықтандыруды, көгалдандыруды қамтамасыз ету, қоғамдық кеңістіктер құру жөніндегі қызметтер туралы баяндады. Проблемалық мәселелер қатарында әкімдер көшені жарықтандыруды қамтамасыз ету бойынша қаржыландырудың жеткіліксіздігін атап өтті (көптеген кабельдерді ауыстыру қажет, бұған ақаулық актілері бар), оның ішінде қыста пайдаланылатын өзін-өзі қамтамасыз ететін оқшауланған (жерге көмілмеген) сымдар да ретке келтіруді қажет етеді. Әкімдіктер жөндеу туралы ұсыныстармен жүгінген, бірақ әзірге олар қолдау таппады. Бүгінгі таңда сәндік жарықтандырудың 30% - ы жұмыс істемейді, өйткені оларды ауыстыру бірнеше жыл бойы жүргізілмеген. Көпірлер, жол айрықтары жөндеуді қажет етеді. Тазалаумен айналысатын арнайы техникаға келетін болсақ, инфляция бұл салаға да әсер еткенімен, қаржыландыру өткен жылдар шегінде жүзеге асырылады. Қала аудандарының аумақтарындағы зираттар да жөндеуді және қоршауларын жаңартуды қажет етеді. Аудан әкімдіктері үшін рұқсат етілмеген қоқыс үйінділері үлкен мәселеге айналды, бөлінген қаражаттың едәуір бөлігі қоқыс үйінділерін жоюға жұмсалуда. Санитарлық тазалауға, саябақтарды, скверлерді тазалауға, көгалдандыруға, қала орамдарын жөндеуге, сәндік жарықтандыруға, аялдама кешендерін тұрғызуға қосымша қаржыландыру қажеттілігі аудандар аумағының ұлғаюымен байланысты. Сонымен қатар, ТЖ нұсқамасы бойынша өрттерді болдырмау үшін құрғақ ағаштарды шабу жұмыстарын жүргізу қажет.

Депутаттар аудан әкімдерінің есептерін талқылау барысында тұрғын үй алаптарын абаттандыру бойынша ағымдағы жағдайды зерделеу үшін сол орындарда отырыстар өткізуді, отырғызылған жасыл желектердің едеәуір пайызының тамырланбауына қатысты оның себептері бойынша ақпарат дайындауды (күтім жасалмайды, өзге өсімдіктер отырғызылды, геодезиялық талдау жүргізілмеді), газдандыру мәселесі бойынша газ тарату желісіне қосылған кезде ХӘОТ санатына 400 мың теңге сома төлеуді, зейнеткерлерді алдын ала барлық соманы өздері төлеуге мәжбүрлемеуді, тамшылатып суару мен машина көмегімен суару құнына қатысты талдау жасауды ұсынды, олардың қайсысы тиімді (оң және теріс жақтары). Сондай-ақ депутаттар ведомстволық бағынысты аумақтың проблемалық мәселелерін өз бетінше шешу мүмкіндіктеріне ие болу үшін аудан әкімдерінің мәртебесін көтеру, Алматы қаласының үлгісі бойынша әкім аппараттары қызметкерлерінің штатын ұлғайту туралы ұсынысты қолдады.

Ішкі саясат басқармасының басшысы Дәурен Бабамұратов сөз сөйлеп, ағымдағы жағдай, іс-шараларға, ақпараттық жұмыстарға жұмсалатын шығындар туралы баяндады.

Депутат Ерғалиев басқарма басшысына жетекші саяси технологтарды шақыра отырып, елордада жұмыс істейтін партиялардың бірлескен бағдарламасын құру жөніндегі жұмысты ұйымдастыруды ұсынды.

Депутат Самидин билбордтардағы әлеуметтік жарнаманы сынға алды, онда әлі күнге дейін Нұр-Сұлтан қаласының логотипі қолданылады, жарнамалық материалдар негізінен қара түсті, депутаттың пікірінше, дизайнға көңіл бөлу керек. Сыртқы жарнама үнемі жаңартуды, шығармашылықты қажет етеді, ал кейбір билбордтарда әлі күнге дейін вакцинация туралы жарнамалар орналасқан. Жарнамалық құрылымдар жеке қолдарда болса да, басқарма ішкі саясатқа қатысты бөлігінде қадағалауды жүзеге асыруы керек.