Құрметті елорда тұрғындары мен қала қонақтары!
31.12.2022
Сіздерді оң ниет, ізгілікті пейілімен төрімізге енгелі тұрған жаңа 2023 жылмен шын жүректен құттықтаймын!
Өтіп бара жатқан жылы да елордамызда көптеген келелі, игі істер атқарылды.
Бұл үрдіс алдағы жылы да жалғасын тауып, қолға алынып жатқан жаңа бастамаларымыз сәтті болсын!
Міне, егемендік жылнамасының тағы бір маңызды белесіне жеттік. Ескі жылмен қоштасып, жаңа жылға қадам басамыз. Бұл – әрбір адам ерекше көңіл-күймен қарсы алатын айрықша әсерлі сәт. Біз өткен жылды қорытындылап, алдағы кезеңге жоспар жасаймыз.
2022 жыл еліміз үшін оңай болған жоқ. Дегенмен, халқымыз кез-келген сын-қатерге төтеп беріп, барлық кедергіні еңсере білді.
Қазақстанның жарқын болашағы өз қолымызда, яғни ел тағдырына бей-жай қарамайтын, нағыз отаншыл, ниеттес, мүдделес азаматтардың қолында.
Жаңа жыл кешінде бәріміз мерекелік көңіл-күймен бір-бірімізге ақ тілегімізді арнаймыз. Келер күннен тек жақсылық күтеміз.
Алдағы жыл еліміз үшін тың қарқынмен дамитын берекелі жыл болсын! Жаңа жылда әр шаңырақ шаттыққа кенелсін!
Баршаңызға амандық, бақыт тілеймін!
Біздің ортақ үйіміз –елордамыз көркейіп,өркендей берсін!
Астана қаласы
мәслихатының хатшысы Е. Каналимов