Қазақстан Республикасының Әділет министрімен кездесу өтті

Мемлекет басшысының тапсырмасын орындау аясында Ұлттық зияткерлік меншік институтының алаңында Қазақстан Республикасының Әділет министрі Қанат Сергеевич Мусин халықпен кездесті.  Бұл кездесуге қала тұрғындарынан басқа, елорданың Қоғамдық кеңес мүшелері мен белсенділері қатысты.

Кездесу барысында Қанат Мусин әділет органдарының жұмысы туралы қысқаша айтып, үкіметтік емес ұйымдарды тіркеуге, нотариустар ұсынатын қызметтердің сапасын бақылауға қатысты және алимент өндіріп алу бойынша іс жүргізуді орындау, Қоғамдық кеңес мүшелерінің ең өзекті сұрақтарына жауап берді. Сондай-ақ, Қоғамдық кеңес мүшелері "Конституциялық Сот туралы" Заңның қабылдану мерзіміне де қызығушылық танытты.

Қазақстан Республикасының Әділет министрі Қанат Мусин қатысушыларды осындай кездесулер болашақта да жалғасатынын мәлімдеді.