Қоғамдық кеңестің кезекті отырысында Жоғары және жоғары оқу орнынан кейінгі білім беру арқылы мамандарды даярлауға мемлекеттік тапсырысты бөлу туралы сөз қозғалды

Білім басқармасының басшысы Қасымхан Сенғазиев өз баяндамасында 2018 жылдан бастап Нұр-Сұлтан қаласының әкімдігі жыл сайын педагогикалық, медициналық мамандықтар, сондай-ақ гуманитарлық бағыт (Исламтану, Дінтану, Теология) бойынша жоғары және жоғары оқу орнынан кейінгі білім беру арқылы мамандарды даярлауға мемлекеттік білім беру тапсырысын бөлетінін атап өтті.

2018 жылдан бастап 2022 жылға дейінгі кезеңде Мемлекеттік білім беру тапсырысы бойынша 1930 грант педагогикалық, медициналық мамандықтарды, техникалық мамандықтарды, гуманитарлық бағыттағы мамандықтарды даярлауға бөлінді. 2022-2026 жылдарға білім, қоғамдық денсаулық сақтау, дене шынықтыру және спорт, дін істері басқармаларынан өтінімдер келіп түсті.

Әлеуметтік бағдарламаларды іске асыру саласында азаматтық қоғамның мүдделерін білдіру жөніндегі Қоғамдық кеңес комиссиясының төрайымы Рамзия Өмірбаева отырысқа қатысушыларды қорытындымен таныстырды.

Мәселені талқылауға Қоғамдық кеңес мүшелері С. П. Тұрсынбекова, Т. Ш. Қуанышев, З. С. Гаипов, Ю. Х. Келигова қатысты.

Әкімдіктің "2022-2026 оқу жылдарына арналған жоғары және жоғары оқу орнынан кейінгі білім беру арқылы мамандарды даярлауға Мемлекеттік білім беру тапсырысын бекіту туралы" қаулысының жобасы мақұлданды.

Сондай-ақ, "Астана қаласының автотұрақтары (паркингтері) орналасқан жерлерге салынатын салықтың базалық ставкалары туралы "Астана қаласы мәслихатының 2018 жылғы 9 қарашадағы шешіміне өзгеріс енгізу туралы", "Астана қаласы мәслихатының 2018 жылғы 9 қарашадағы "Салық салу мақсаттары үшін жерлерді аймақтарға бөлу схемасы және жер салығының базалық мөлшерлемелерін жоғарылату (төмендету) пайыздары туралы" мәслихат шешімдерінің жобалары мақұлданды.