Жер учаскелерін иеліктен шығару мәселесі туралы

Қалалық мәслихатта Нұрлан Көпешовтың төрағалығымен заңдылық, құқық тәртібі және жұртшылықпен жұмыс мәселелері жөніндегі тұрақты комиссияның отырысы өтті, онда «Жер учаскелерін немесе өзге де жылжымайтын мүлікті мемлекет мұқтажы үшін алып қоюға байланысты иеліктен шығару туралы шарттардың жобаларын келісу туралы» мәселе қаралды.

Депутаттарға мәслихаттың тұрақты комиссиясының қарауына енгізілетін, мемлекет мұқтажы үшін алып қоюға байланысты иеліктен шығарылатын жер учаскелерінің тізбесі ұсынылды.

«Нұр-Сұлтан қаласының Тұрғын үй және тұрғын үй инспекциясы басқармасы» ММ басшысы Әнуар Саипов салынатын әлеуметтік нысандарды атап өтті: Тәуелсіздік даңғылы мен Шарль де Голль көшесінің қиылысында орналасқан жапсарлас салынған үй-жайлары мен паркингі бар көппәтерлі тұрғын үй кешені; Шарль де Голль және А. Тоқпанов көшелерінің қиылысында орналасқан көше; Ш. Айтматов көшесінің батысында орналасқан Есіл өзені арнасын реконструкциялау (6-кезек); Республика даңғылы мен Алтынемел, И. Құтпанов және И. Гете көшелері қиылысының ауданында орналасқан кіріктірілген үй-жайлары мен паркингі бар көппәтерлі тұрғын үй кешені; Ш. Қосшығұлұлы көшесі бойындағы №8 үйдің ауданында орналасқан учаскені абаттандыру; Қабанбай батыр даңғылы мен Хусейн Бен Талал көшесінің қиылысында орналасқан әкімшілік ғимарат; Тұран даңғылы мен 227 көшесінің (жобалық атауы) қиылысында орналасқан әкімшілік ғимарат.

Әнуар Саипов барлық меншік иелері өтемақы сомасымен танысқанын атап өтті және жобаны қолдауды сұрады.

Отырыс жұмысына жер учаскелерінің меншік иелері онлайн режимінде қатысты.

Тұрақты комиссияның төрағасы Нұрлан Көпешов меншік иелері мен олардың өкілдеріне мәслихат депутаттарына және мемлекеттік органдардың қатысып отырған өкілдеріне өздерінің сұрақтарын қоюды ұсынды. Ол отырысқа қатысушыларға меншік иелері өтемақы сомасымен бірауыздан келіскендіктен, бұл мәселе мәслихаттың кезектен тыс сессиясының қарауына шығарылатынын айтты.